A irrupción de novas modalidades de aloxamentos non regulados, a confusión que iso xera entre os usuarios e as diferentes normativas de regulación hoteleira en cada país puxeron de manifesto máis que nunca a necesidade de aprobar unha norma internacional ISO para o sector hoteleiro. E finalmente foi a proposta española, elevada a través do Instituto para a Calidade Turística Española (ICTE), a que se conseguiu aprobar co apoio de 35 países. Tras dez anos de negociacións nos que fora imposible lograr un consenso internacional, o apoio maioritario á proposta española permitirá a posta en marcha do Comité que desenvolverá unha Norma Mundial de Calidade específica para o sector hoteleiro no seo da International Standardization Organization (ISO).
Para Miguel Mirones, presidente do ICTE, esta aprobación acredita de novo o liderado de España en materia de calidade turística, así como a adaptación do sector hoteleiro español ás novas realidades do mercado. “Que España teña a posibilidade de liderar este Comité vainos a permitir estar á cabeza do desenvolvemento dunha Norma que inicialmente non se conseguiu pór en marcha, e ademais farémolo tendo en conta a existencia de normas nacionais en distintos países -que do mesmo xeito que a que existe en España- serán unha referencia para a procura do consenso internacional”.
A presidencia do Comité, a proposta do ICTE, correrá a cargo de Mar de Miguel, actual xerente da Asociación Empresarial Hoteleira Madrileña. O propio ICTE asumirá a Secretaría a través da súa Directora Técnica, Mª Cruz Cádiz. A toma de posesión de ambos os mandatos terá lugar na reunión que se celebrará en Panamá o próximo 25 de maio. Durante a mesma, explicarase o enfoque do proxecto e comezaranse a desenvolver o borrador da Norma ISO de Hoteis.

18 de Maio de 2017
habitación hotel

O ICTE logra pór en marcha a Norma Internacional ISO para o sector hoteleiro

A irrupción de novas modalidades de aloxamentos non regulados, a confusión que iso xera entre os usuarios e as diferentes normativas de regulación hoteleira en cada […]
18 de Maio de 2017
Galicia_Guanajuato

Galicia e o estado mexicano de Guanajuato acordan colaborar no ámbito turístico

A directora de Turismo de Galicia, Nava Castro, e o secretario de Turismo do estado mexicano de Guanajuato, Fernando Olivera, asinaron un memorándum de entendemento para […]
15 de Maio de 2017
Gastroforum Cartel

Sustentabilidade e saúde, eixos do II Foro Gastronómico de Turismo de Galicia

O Centro Superior de Hostalaría de Galicia acollerá os próximos 22 e 23 de maio o II Foro Gastronómico de Turismo de Galicia #GastroForumCSHG, centrado nesta […]
15 de Maio de 2017
COETUR

Asturias acolle o IV Congreso Europeo de Turismo Rural

Asturias volve acoller o Congreso Europeo de Turismo Rural, COETUR 2017, que se celebrará en Torazo (Cabranes) o 23 e 24 de maio baixo o título […]