A xornada #Turismo2020 contará con dous relatorios a cargo de Fernando Puelles, responsable da área de Business Travel de Amadeus España, que nos ofrecerá información sobre o perfil dos novos perfís de turista e Chus Bo, que profundará no binomio turismo-deporte. Ademais, abriranse tres mesas redondas que permitirán abordar diferentes aspectos de gran interese para o empresario turístico galego, aos que se lles ofrecerá información e novidades que lle permitan coñecer os cambios que está a experimentar o sector, así como a posición competitiva en que se atopa Galicia respecto doutros territorios de España.

A primeira das mesas redondas, moderada polo xerente de Expourense, Alejandro Rubín, virará ao redor das oportunidades e retos que supón a comercialización da oferta turística enogastronómica e termal de Ourense, da man de relatoras como Amaia López de Heredia (Basque Culinary Center), Carles Martín (Nextel) e Tono Franco (Globaldit).

A segunda das mesas, moderada polo xerente do INORDE, José Manuel Rodríguez, profundará no tema deportivo coas achegas de expertos como Javier Guillén (Unipublic- Volta Ciclista a España), Carles Cantou (SPSG Consulting) e Patricio Sánchez (Universidade de Vigo). A última das mesas redondas abordará os cambios tecnolóxicos que viviu o sector nos últimos anos e as novidades no horizonte 2020. Moderada polo experto en innovación e novas tecnoloxías, Enrique Lancis, a mesa contará coa participación de Alicia Jódar, directora de Mercadotecnia de Pangea; Elisa Martín, directora de innovación en IBM e Sergio Vinay, responsable de políticas públicas da plataforma AirBnB para España e Portugal, o que permitirá tamén abordar os cambios introducidos pola economía colaborativa.

A cita será este xoves, 27 de abril no Centro Cultural Marcos Valcárcel e a inscrición é libre e gratuíta ata completar o aforamento. O Encontro conta co apoio tanto de Turismo de Galicia como da Deputación de Ourense para profundar en Galicia como destino turístico e mellorar a posición competitiva de Galicia no mercado turístico global.

26 de Abril de 2017
_ponentes-0

Máis de 200 profesionais do sector turístico daranse cita no III Encontros Clúster Turismo de Galicia

A xornada #Turismo2020 contará con dous relatorios a cargo de Fernando Puelles, responsable da área de Business Travel de Amadeus España, que nos ofrecerá información sobre […]
25 de Abril de 2017
Presentación-X-Circuito-Golf-Cenor-Camino-de-Santiago

En marcha a décima edición do Circuíto de golf senior Cenor-Camiño de Santiago

Co obxectivo de promover a práctica do golf na Comunidade galega e difundir os valores de Galicia como destino para xogadores deste deporte, a Xunta colabora […]
24 de Abril de 2017
crucero a coruña

Reforzo da promoción internacional do turismo náutico galego

A directora de Turismo de Galicia, Nava Castro, e o presidente de Portos de Galicia, José Juan Durán Hermida, asinaron un convenio de colaboración que reforzará […]
20 de Abril de 2017
mailing_gradiant_260417

Retos do big data, nova xornada sectorial Reacciona TIC

As instalacións do Centro Gradiant en Vigo acollen o 26 de abril unha nova xornada do programa Re-Acciona TIC, “Cando os números falan. Retos do Big […]