O presidente da Xunta clausurou o acto de entrega das 274 Q de Calidade que Galicia acada en 2016, seis máis que o ano pasado

“Sodes o mellor reflexo de Galicia”. Así se manifestaba o presidente da Xunta, Alberto Núñez Feijóo na entrega das Q de Calidade que tivo lugar no Real Club Náutico de Sanxenxo, unha entrega de marca, xa que a comunidade conta xa con 274 destas distincións, só por detrás de Andalucía, algo que o presidente destacaba especialmente tendo en conta as diferenzas en volume de habitantes e establecementos entre as dúas comunidades autónomas. Núñez Feijóo destacou especialmente a progresión que Galicia viviu estes anos cara á excelencia. Non en balde, se en 2004 apenas había 16 empresas certificadas, hoxe esta cifra chega ás 274 Q, liderando o número de Q en infraestruturas como os hoteis, os apartamentos turísticos, as casas de turismo rural, os balnearios ou as instalacións náuticas.

“Celebramos o incremento do número de empresas certificadas, con 6 máis este ano, pero, sobre todo, celebramos o traballo a longo prazo”, abundou, incidindo en que a marca Q de calidade significa prestixio, diferenciación, fiabilidade, rigorosidade e promoción. Neste sentido, o presidente da Xunta destacou, ademais, o traballo man a man co sector a través do Clúster Turismo de Galicia que, xunto a Turismo de Galicia, traballan en diferentes iniciativas conxuntas a favor da excelencia e a profesionalización do sector, obxectivos recolleitos no Plan integral de turismo de Galicia 2014-2016 como un dos alicerces básicos sobre os que se debe sustentar “o edificio turístico industrial de Galicia”.

Neste sentido, Feijóo aproveitou a súa participación no acto para felicitar o esforzo de todo o sector e a súa aposta pola calidade, que se ve reflectida nas boas cifras acadadas neste primeiro cuadrimestre do ano, en que a nosa comunidade recibiu a preto de 860.000 viaxeiros, un 7,3% máis que no mesmo período de 2015. “Estamos a falar do mellor cuadrimestre desde que empezou a crise, cun número de pernoctaciones que ascendeu a 1,5 millóns, e no tres sectores de demanda: tanto na demanda interna, que crece un 3,6%, como na demanda nacional (10,2%) e internacional (que crece un 4,3 %)”, dixo, subliñando tamén que de cada dez euros da economía galega un provén do turismo. Feijóo mostrouse convencido de que este pode ser un gran verán para o sector.

No acto de entrega das distincións Q de Calidade, ademais do presidente da Xunta, tamén estiveron presentes, entre outras autoridades, o presidente do ICTE, Miguel Mirones, a directora de Turismo de Galicia, Nava Castro, o delegado do Goberno en Galicia, Santiago Villanueva, ou o presidente do Clúster Turismo de Galicia, Francisco González.

24 de Maio de 2016
Entrega Q de Calidad 2016

Núñez Feijóo destaca o peso do sector turístico no conxunto da economía galego como “un dos alicerces básicos do edificio empresarial de Galicia”

O presidente da Xunta clausurou o acto de entrega das 274 Q de Calidade que Galicia acada en 2016, seis máis que o ano pasado “Sodes o […]
23 de Maio de 2016
turespazo

Turespazo entra en período de probas para a súa optimización e coñecemento entre o sector turístico galego

Es un profesional ou unha empresa turística? Se é así interésache coñecer #Turespazo, a rede privada coa que a Xunta de Galicia dotou ao sector turístico […]
23 de Maio de 2016
Presentación Mini Cruceros Galicia

Entra en funcionamento a ruta ?Illas Atlánticas e vilas mariñeiras?, o segundo dos cruceiros costeiros por Galicia

Co obxectivo de seguir captando novos fluxos turísticos estes días púñase en funcionamento o segundo dos mini cruceiros costeiros que permitirán mellorar a oferta náutica galega […]
16 de Maio de 2016
bolsa contratación Turexpo

Turexpo e Festur celebraranse conxuntamente coa Semana Verde de Silleda do 9 ao 12 de xuño

Turexpo, o Salón Turístico de Galicia, celebrarase conxuntamente no marco da Feira Internacional Semana Verde, que se desenvolverá en Silleda do 9 ao 12 de xuño. […]