Responsables de Beonprice, ParityRate e o Instituto Tecnolóxico Hostaleiro estarán presentes no II Encuentro Clúster Turismo de Galicia

Organizada en colaboración coa Deputación de Pontevedra, o II Encontro Clúster Turismo de Galicia dedicado á comercialización turística do sector galego dedicará gran parte do seu espazo á análise das novas tecnoloxías que, ao mesmo tempo, expoñen novos retos e oportunidades na mellora da comercialización dos nosos produtos turísticos.
Así, a xornada dedicará unha das súas mesas redondas a repasar exemplos de aplicacións tecnolóxicas para a mellora da comercialización turística, unha mesa que estará moderada por Juan Daniel Núñez, o redactor xefe dunha das publicacións de referencia para o sector, especialmente no que se refire a mercadotecnia e novas tecnolgías, TecnoHotel, a primeira revista española especializada en mercadotecnia turística e hostaleiro.
Xunto con el estarán presentes na mesa redonda Rubén Sánchez, CEO de Beonprice, a empresa española de referencia do revenue management, unha solución big data que permite reunir a información de centos de axentes que cambian as súas ofertas de hospedaxe on e off line minuto a minuto. Actualmente máis dun milleiro de hoteis de 14 países empregan esta tecnoloxía.
A responsable comercial de España de ParityRate, María José Vargas, xunto con Patricia Miralles, responsable da área de Innovación do Instituto Tecnolóxico Hotelero (ITH), completarán unha mesa imprescindible para entender como se modificou en moi poucos anos o funcionamento da comercialización da oferta turística. Uns cambios nos que a consolidación do channel Manager foi fundamental. Neste sentido non podería faltar na mesa ParityRate, ferramenta fundamental para a xestión en liña hostaleira e cuxa tecnoloxía democratizou dalgún modo o acceso de todo tipo de hoteis aos channel managers, xa que permite a unificación de toda a xestión de canles de distribución, envorcando a información das reservas recibidas ao programa de xestión do hotel en tempo real.
Finalmente a mesa completarase coa presenza do ITH da man da súa responsable da área de Innovación, onde se encarga da análise de tendencias, a prospectiva tecnolóxica, e a xestión de proxectos de I+D+i,. Patricia Miralles, ademais, é coordinadora da Plataforma Tecnolóxica do Turismo- Thinktur, e participa en diversos comités e grupos de traballo relacionados con tecnoloxía, innovación e emprendimiento polo que o seu punto de vista e achegas serán, sen dúbida, de gran interese para todos os participantes.

04 de Marzo de 2016
tecnologia-hoteles-innovación-gestión

Big data, channel manager, parity,… as novas tecnoloxías ocupan unha das mesas redondas da nosa #Xornada5millóns

Responsables de Beonprice, ParityRate e o Instituto Tecnolóxico Hostaleiro estarán presentes no II Encuentro Clúster Turismo de Galicia Organizada en colaboración coa Deputación de Pontevedra, o […]
29 de Febreiro de 2016
raúl garcia

As estratexias de promoción trasversais centran un dos relatorios de xestión do destino no II Encontro Cluster Turismo Galicia

Raúl García, ex Director de Promoción Turística do Concello de Madrid e director de Micetraining.com será un dos relatores da xornada do 17 de marzo A […]
29 de Febreiro de 2016
CSHG logo

Nova dinámica de captación de estudantes para o CSHG, que estrea imaxe e web

Co obxectivo de captar futuros estudantes para o Centro Superior de Hostalaría de Galicia, o centro e Turismo de Galicia puxeron en marcha Desafío Hotel Management, […]
26 de Febreiro de 2016
portada díptico

O II Encontro Clúster Turismo de Galicia estará centrado na comercialización do destino Galicia

A xornada, cuxo prazo de inscrición xa está aberto, desenvolverase no Auditorio Mar de Vigo o 17 de marzo A comercialización do destino turístico é un […]