A nosa comunidade é a que máis crece entre os viaxeiros nacionais, cun 5,8% máis de pernoitas

Os establecementos hostaleiros galegos recibiron durante o mes de agosto un total de 711.490 viaxeiros, un 5,2% máis que no mesmo período do ano pasado. Similar crecemento, do 5,4% rexistraron en canto ao número de pasas a noite, que superaron o millón e medio, segundo os datos feitos públicos polo INE na enquisa de Conxuntura Hostaleira. A falta de recoller os datos correspondentes aos viaxeiros e pernoitas rexistradas no resto das tipoloxías de aloxamentos (establecementos de turismo rural, apartamentos turísticos, albergues e cámpings), Galicia superou xa os 3 millóns de viaxeiros no conxunto dos 8 primeiros meses do ano.

A enquisa do INE recolle, ademais, que Galicia foi a comunidade autónoma que máis creceu en número de pasas a noite entre os turistas nacionais, que elixiron a nosa comunidade como 4º destino favorito despois de Andalucía, Cataluña e Comunidade Valenciana. O grao de ocupación media rexistrada durante o mes de agosto en Galicia estivo en 64%, fronte á media nacional, que foi do 78%.
Leve crecemento dos prezos
No conxunto do Estado, a taxa anual do Índice de Prezos Hostaleiros (IPH) sitúase no 6,9% en agosto, o que supón 0,6 puntos menos que a do mes pasado e 1,9 puntos por encima da rexistrada hai un ano. No caso de Galicia o IPH, estatística que mide a evolución do conxunto de prezos aplicados polos empresarios aos distintos clientes que se aloxan nos hoteis, sitúase en 96,5 euros,un 3,3% máis que en 2015.
En canto aos indicadores de rendibilidade do sector, os índices ADR (Tarifa Media Diaria) e RevPAR (ingresos medios por habitación dispoñible), Galicia adianta un posto e sitúase sétima pola cola, cun crecemento do 0,9 na tarifa media diaria, que se sitúa en 64,7 euros mentres que o RevPAR sitúase en 42,2 euros, cunha taxa de variación anual do 5,3.

23 de Setembro de 2016
tabla INE

Viaxeiros e pernoitas medran en agosto un 5% de media en Galicia, que xa supera os 3 millóns de visitantes nos 8 primeiros meses do ano

A nosa comunidade é a que máis crece entre os viaxeiros nacionais, cun 5,8% máis de pernoitas Os establecementos hostaleiros galegos recibiron durante o mes de […]
22 de Setembro de 2016
aeropuertos gallegos

Sobe un 5% o número de pasaxeiros que usaron os aeroportos galegos en agosto

 Vigo e A Coruña melloran cifras fronte a Lavacolla, que descende un 2% até os 276,776 Agosto tamén marcou boas cifras para o conxunto dos aeroportos […]
22 de Setembro de 2016
top-carrera02

Premios para todos na BTT Ruta do Viño Rías Baixas

A primeira edición desta marcha en bicicleta que terá lugar en Vedra o 2 de outubro inclúe tamén unha ruta de senderimo para os acompañantes Unha […]
21 de Setembro de 2016
Presentacion Vilagarcia Turismo Rural Ahora También

Turismo Rural, Agora Tamén promociona conxuntamente o turismo rural e a súa oferta complementaria cun fam trip e sorteos

A iniciativa, impulsada polo Clúster Turismo de Galicia, busca crear sinerxías no sector e mellorar a comercialización da oferta turísica O porto deportivo de Vilagarcía de […]