A delegación, que viaxa acompañada da directora de Turismo de Galicia, Nava Castro, desprázase a unha das feiras profesionais máis importantes para o sector turístico

O mercado alemán é o segundo con máis peso no conxunto dos turistas estranxeiros que chegan a Galicia

Por terceiro ano consecutivo o Clúster Turismo de Galicia participa nunha das feiras profesionais máis importantes para o sector turístico, a Feira Internacional de Turismo de Berlín (ITB) de 2017, que acolle a capital alemá do 8 ao 12 marzo. Baixo o paraugas da Axencia de Turismo de Galicia, esta mañá daba comezo a misión comercial composta por un total de 25 asociados do Clúster Turismo de Galicia, o número máis alto de participantes que tivo a misión comercial ata a data. O obxectivo da misión comercial, ademais de xestionar un espazo de traballo para os seus asociados na caseta de Galicia, é dar a coñecer a diversidade e riqueza da oferta diferencial que ofrece Galicia, á vez que se establecen novas relacións comerciais con turoperadores do mercado alemán, o segundo mercado emisor máis importe para Galicia en canto a número de turistas que recibe a nosa comunidade.

No espazo de traballo xestionado polo Clúster os asociados poderán manter encontros tanto con turoperadores como axencias de viaxes que traballen o destino Galicia nunha edición da ITB moi interesante para a oferta galega, centrada no turismo sustentable e ecolóxico. A todos eles presentaráselles a oferta de calidade Galicia como destino turístico tanto a aqueles que xa o traballan como entre aqueles que teña previsto incluír a comunidade na súa oferta, presentando produtos turísticos adaptados a este mercado.

O peso do mercado alemán
Cabe destacar que Alemaña ocupa o segundo posto no ranking de países emisores de tuirstas estranxeiros, despois de Portugal. En 2016 rexistráronse ao redor das 250.000 pasas a noite procedentes deste país, unha cifra que supón o 2.5% do conxunto de pásalas a noite de turistas estranxeiros durante o ano pasado e que se incrementou un 3,6% respecto ao 2015. Ademais, este país é tamén o segundo en número de peregrinos estranxeiros que chegan a Santiago de Compostela facendo o Camiño. O 2016 o 13,81% dos peregrinos estranxeiros que chegaron a Galicia procedían deste país, un total de 21.220. Esta cifra supón que, despois de Italia, Alemaña é o segundo país estranxeiro do que proceden máis peregrinos, por diante de Estados Unidos, Portugal, Francia ou Irlanda. de chegada de peregrinos do Camiño de Santiago de Compostela.

Na misión participan representantes da Asociación Provincial de Empresarios de Hostalería de Lugo (APEHL), da Federación Galega de Turismo Rural, Consorcio de Empresarios Turísticos de Sanxenxo (CETS), da Asociación de Palacios de Congresos, da Asociación Provincial de Hostalaría da Coruña, de Hostalaría Compostela, da Asociación Profesional do sector turístico de Costa da Morte así como axencias de viaxes, de receptivo, complexos hoteleiros, de restauración, vinculadas ao Camiño de Santiago, ao golf e de establecementos de turismo termal.

ITB Berlín
Os contactos e actividades da delegación comercial continuarán en Berlín ata o vindeiro venres nunha edición na que Eslovaquia é o país convidado nunha das feiras máis importantes do mundo na industria do turismo e viaxe, na que se presenta todas as novidades e tendencias do sector. A organización espera superar as cifras de 2016, que atraeu ao maior número de visitantes desde o seu lanzamento en 1966, con máis de 180.000 visitantes, 20.000 máis que os inicialmente previstos. Deles, un total de 120.000 foron profesionais nunha edición que contou con máis de 10.000 expositores procedentes de 187 países. Segundo datos de Messe Berlin, o volume de negocio alcanzou os 7.000 millóns de euros, un 4,4% máis que a edición anterior.

08 de Marzo de 2017
mision comercial foto grupo exterior

Clúster Turismo de Galicia participa por 3º año na ITB Berlin cunha misión comercial formada por 25 asociados

A delegación, que viaxa acompañada da directora de Turismo de Galicia, Nava Castro, desprázase a unha das feiras profesionais máis importantes para o sector turístico O […]
02 de Marzo de 2017
Jornada Turismo Rural marzo 2017

O turista rural que elixe Galicia ten un alto índice de fidelización, identifícase co ecoturismo e valora especialmente o trato personalizado e a contorna

A xornada Turismo Rural celebrada en Santiago serviu para coñecer as principais conclusións do último informe do Observatorio de Turismo Rural para o sector en Galicia […]
23 de Febreiro de 2017
Jornada UpDatePEme

O TIC ao servizo da innovación no sector turístico abriron o programa #UpDatePeme

Impulsada pola AMTEGA en colaboración co Clúster a primeira xornada celebrada na Cidade da Cultura contou coa participación do director de I+D+i de Segittur, Enrique Lancis. Co […]
21 de Febreiro de 2017
170223_Update_Turismo_IV

Catro experiencias TIC no sector turístico abrirán este xoves na Cidade da Cultura o programa #UpDatePeme

Impulsada pola AMTEGA en colaboración co Clúster para esta primeira sesión, a xornada ten xa as inscricións abertas Co obxectivo de servir de punto de encontro […]