• A web e webapp de Presume de Galicia nacen coa intención de mostrar a comunidade a partir das achegas de centenares de experiencias en primeira persoa de galegos e visitantes

  • Todas as colaboracións á comunidade de Presume de Galicia poderán conseguir premios e, mesmo, converterse en “superpresumidores” e obter experiencias

Baixo a premisa de que entre todos podamos dar a coñecer e potenciar a enorme riqueza turística que atesoura a nosa comunidade, o Clúster Turismo de Galicia lanza unha orixinal e divertida campaña coa que quere implicar tanto a galegos como a visitantes para convertelos en “superpresumidores” de Galicia. A través de fotografías achegadas por todos os participantes, e que se irán subindo na web e webapp da comunidade Presume de Galicia, as plataformas irá nutríndose das experiencias, recunchos e espazos que nos mostran os propios usuarios desta comunidade, a través de imaxes. Unha iniciativa coa que o Clúster de Turismo quere ofrecer “unha maneira de buscar información turística máis enfocada a mostrar Galicia desde as emocións e non só a través dun mapa”.
A base desta iniciativa é un banco de fotografías obtido a partir da comunidade de facebook Presume de Galicia no que centos de persoas ensínannos localizacións especiais que persoalmente recomendan e que recolle a opinión de máis de trinta mil “presumidores” entre os que hai galegos residentes ou vivindo no estranxeiro, e visitantes habituais. Con esta webapp Presume de Galicia o Clúster busca crear un punto de encontro para namorados desta terra, no que tamén se poden atopar referencias á gastronomía ou a actividades culturais que se desenvolven no catro provincias.
Superpresumidores con premio
Ademais de subir fotografías, calquera usuario poderá empregar a web para seleccionar rutas buscando, por exemplo, as mellores postas de sol ou visitas a espazos naturais especiais. Pola súa banda, aqueles que contribúan coas súas achegas fotográficos, poderán converterse tamén en “presumidores” subindo as súas imaxes á web ou webapp, onde á súa vez, a través de votos en forma de aplausos virtuais, poderán gañar ducias de premios para descubrir a comunidade autónoma de forma diferente a través de experiencias que inclúen aloxamentos en hoteis, degustacións gastronómicas ou trens turísticos.
A aposta do Clúster por esta campaña de promoción de Galicia desde unha óptica diferente nace da constatación dos cambios nos hábitos dos viaxeiros, especialmente á hora de buscar información sobre un destino. A esixencia é cada vez máis alta e as contornas 2.0. onde o criterio dos viaxeiros conta máis que calquera outra fonte crecen a unha gran velocidade. Galicia conta agora cunha plataforma propia destas características que ademais dá un paso máis aló e ofrece ao mundo unha visión baseada en miles de puntos de vista: www.presumedegalicia.com.

portada-presume 2

Descubre máis desta campaña

04 de Agosto de 2016
Traveller Presumidor definitivo

Clúster Turismo de Galicia lanza unha campaña para presumir de Galicia

A web e webapp de Presume de Galicia nacen coa intención de mostrar a comunidade a partir das achegas de centenares de experiencias en primeira persoa […]
03 de Agosto de 2016
galicia spaincares

Turismo de Galicia e o Clúster Español de Turismo Termal porán en marcha un programa de desenvolvemento do turismo de saúde en Galicia

Ambas as entidades asinaron un acordo de colaboración polo que o departamento da Xunta achegará 50.000 euros para a elaboración desta folla de ruta Co obxectivo […]
02 de Agosto de 2016
apartamentos turísticos

Os apartamentos turísticos e o turismo rural melloran resultados en xuño

Segundo recolle a Enquisa de Ocupación Turística Extrahotelera do INE, que recolle os resultados de ocupación dos aloxamentos de turismo rural, albergues, cámpings e apartamentos turísticos, […]
01 de Agosto de 2016
Barometro rentabilidad Exceltur

Mellora a rendibilidade e o emprego nos destinos urbanos galegos

Segundo recolle o último barómetro dos destinos turísticos españois elaborado por Exceltur Segundo recolle o barómetro de rendibilidade e emprego dos destinos turísticos españois elaborado por […]