Co obxectivo de ofrecer un produto turístico especializado orientado a un nicho de mercado como poden ser os peregrinos “premium”, Balnearios de Galicia lanzou un novo proxecto, Camiño de Santiago Termal, que foi presentado oficialmente na pasada edición de Termatalia México nun acto que contou coa participación de numerosas axencias de viaxes tanto nacionais como estranxeiras dunha quincena de paises de Europa e América.

Promovido pola Asociación de Balnearios de Galicia co apoio do Clúster de Turismo de Galicia, a iniciativa conta coa participación de 14 balnearios de toda Galicia que ofrecen aloxamento e tratamentos termais vinculando o termalismo co Camiño de Santiago, dous dos produtos turísticos galegos con máis proxección internacional. O programa “Camiño de Santiago Termal” pon en valor o poder regenerador do Termalismo para facer que os peregrinos poidan recuperar forzas e consentir o seu corpo tras as extenuantes xornadas a pé, cabalo ou bicicleta.

Na presentación do programa “Camiño de Santiago Termal” participaron o presidente do Clúster da auga Mineral e Termal de Galicia e de Balnearios de Galicia, Antonio Garaloces; o xerente de ambas as entidades, Benigno Amor; o secretario do Clúster de Turismo de Galicia, Cesáreo Pardal; o xerente da maiorista de viaxes galega Luamar, José Luís López, e representante da Confederación Española de Axencias de Viaxes; o coordinador da Asociación Mexicana de Axencias de Viaxes, José Pedro Morais, e o director de Termatalia, Alejandro Rubín.

En toda América Latina e en especial en México, existe un gran coñecemento sobre o Camiño, de aí o interese en realizar a presentación desta iniciativa no marco da celebración da Feira Internacional de Turismo Termal, Saúde e Benestar, xa que se trata dun evento de carácter profesional no que se poden atopar o tipo de visitantes que busca este programa: peregrinos “premium” que conjuguen a experiencia do Camiño cun merecido descanso nun centro termal.

01 de Novembro de 2016
Camino de Santiago termal

Camiño de Santiago Termal, unha iniciativa de Balnearios de Galicia orientada ao descanso do peregrino

Co obxectivo de ofrecer un produto turístico especializado orientado a un nicho de mercado como poden ser os peregrinos “premium”, Balnearios de Galicia lanzou un novo […]
31 de Outubro de 2016
Single photo enhanced with easyHDR BASIC 2.13.3.

Premios de accesibilidade para a Ruta do Viño Rías Baixas

A Ruta do Viño Rías Baixas recibiu o Mérito á Accesibilidade no Enoturismo 2016, un recoñecemento incluído dentro dos III Premios de Enoturismo Rutas do Viño […]
31 de Outubro de 2016
Jornada Golf Galicia

Compostela acolle unha xornada centrada na potencialidade do golf para o sector turístico galego

A Asociación GALICIA DESTINO GOLF organiza o vindeiro venres, 4 de novembro, en Santiago de Compostela, unha xornada de carácter gratuíto e de 3 horas de […]
27 de Outubro de 2016
Presentación comercialización enoturismo Galicia Emociones

Un proxecto de comercialización impulsará a paquetización competitiva do enoturismo galego

O proxecto, denominado Emocións Enoturismo Galicia, está auspiciado polo Clúster Turismo de Galicia e executado por Proturga e Gallaecia A iniciativa de comercialización compleméntase coa posta […]