A Consellería de Cultura e Turismo apoia a formación no eido da saúde termal a través dun convenio de 40.000 euros anuais asinado ata 2021 coa Cátedra en Hidroloxía Médica da Universidade de Santiago de Compostela, unha iniciativa formativa que reforzará a promoción e investigación neste campo e mellorará a calidade dos servizos cos que se atopan os viaxeiros interesados en actividades vinculadas ao benestar e saúde.

“Con este apoio impulsamos o sector da saúde termal en Galicia cunha formación de excelencia”, indicou Nava Castro, Directora de Turismo de Galicia. Fíxoo durante a presentación dun curso de verán no que participa a mencionada cátedra, na localidade de Oia.

Este apoio entra dentro do Plan de Turismo Termal e no Plan de Turismo de Saúde e Termal de Galicia  que ten como obxectivos o aumento da capacidade de aloxamento dalgúns balnearios, a mellora na sinalización das vilas termais e a captación de visitantes interesados nestes recursos e na saúde.

Nava Castro aproveitou tamén para salientar que Galicia é a segunda rexión europea con maior riqueza en augas minerais e termais , cun gran potencial turístico. “Ademáis, conta coa primeira lei de España que regula o aproveitamento lúdico das augas termais”, informó.

A directora de Turismo de Galicia puxo de manifesto a aposta da Xunta polo turismo de benestar e a necesidade de colaboración entre balnearios, talasos, centros médicos, axencias de viaxe, prescriptores e administración.

 

 

 

 

 

19 de Xullo de 2019
InauguracionCursoOia

A Xunta reforza a súa aposta polo turismo termal coa Cátedra de Hidroloxía Médica da USC

A Consellería de Cultura e Turismo apoia a formación no eido da saúde termal a través dun convenio de 40.000 euros anuais asinado ata 2021 coa […]
18 de Xullo de 2019
Plan Estratégico Xacobeo 2021

O Plan Estratéxico do Xacobeo2021 contará cun orzamento mínimo de 247,7 millóns de euros

O presidente da Xunta avanzou as liñas xerais do plan que se presenta este venres na Cidade da Cultura de Galicia No marco da reunión da […]
17 de Xullo de 2019
autocaravanas

As asociacións hostaleiras que integran A Forza do Norte denuncian a proliferación de áreas ilegais de estacionamento de autocaravanas

A Asociación Galega de Autocaravanas (AGA), pola súa banda, acusa os hostaleiros de pretender recluílos nos cámpings e coartar o seu dereito a estacionar en igualdade […]
05 de Xullo de 2019
Festival Intercéltico de Lorient

A oferta turística gallega estará presente no Festival Intercéltico de Lorient

No marco da celebración do Année da Galice (Ano de Galicia) na 49ª edición do Festival Intercéltico de Lorient, que terá lugar do día 2 ao […]