O sete representantes de clubs de golf de Londres que visitaron Galicia durante a semana pasada destacaron o acerto na combinación da oferta de golf, termal e gastronómica.

O obxectivo que se expón é darlle continuidade a Celtic Spain Golf&Wellness en 2019, ampliando os mercados internacionais e mesmo presentando a iniciativa en Fitur

Concluído o fam trip cos responsables dos principais clubs de golf de Londres a Galicia que se celebrou a semana pasada, a iniciativa Celtic Spain Golf&Wellness conclúe o seu primeiro ano de vida con boas sensacións e coa convicción de que é necesario darlle continuidade a este tipo de accións, que permiten tanto a paquetización da oferta turística galega especializada, axuntando o deporte do golf coa oferta de aloxamento e termal galega, como a captación dun turista estranxeiro dun maior poder adquisitivo, como é o caso dos xogadores de golf, cuxo gasto medio é maior que o do turista británico convencional.

“Hai que ter en conta que estes prescriptores que nos visitaron, e que representan a máis de 4.000 xogadores de golf londinienses, anualmente organizan para os seus clientes 2 viaxes de golf fóra das Illas británicas, normalmente a Andalucía, Algarve, Levante español”, explica o secretario xeral da Asociación Galicia Destino Golf, Javier de la Cerda, que destaca a alta satisfacción que manifestaron o sete prescriptores, que tiveron oportunidade de percibir a calidade dos hoteis, campos de golf, balnearios que visitaron e, por suposto da gastronomía, paisaxe, cultura e da relación prezo/calidade da oferta turística galega.

Continuidade e presenza en FITUR

A iniciativa CELTIC SPAIN GOLF & WELLNESS, promovida no marco do concurso de ideas do Clúster Turismo de Galicia a proposta da Asociación Galicia Destino Golf, Asociación Balnearios de Galicia, Oca Hoteles e Hotel Carlos I, coa colaboración de Turismo de Galicia, quere así manter a súa continuidade en 2019.

“Cremos que o esforzo que se está realizado pola Asociación Galicia Destino Golf, co apoio do Cluster de Turismo por comercializar Galicia como un destino de golf diferente está a dar os seus resultados”, explica Javier de la Cerda, que destaca a recente visita de 40 xogadores de Uruguai que durante unha semana xogaron en 4 campos de Galicia, sendo o gasto medio diario por xogador de 348 euros, dos cales o golf representou un 21% dese gasto.

É por iso que desde a Asociación cren que será moi importante dar continuidade a estas accións, aumentando o número de prescriptores e procedencia e mesmo presentar esta proposta en Fitur, como plataforma de visualización da proposta para o mercado nacional e internacional.

29 de Outubro de 2018
golf Mondariz

Tras o éxito do fam trip londiniense, Celtic Spain Golf&Wellness quere seguir promocionando a oferta deportiva e termal galega en 2019

O sete representantes de clubs de golf de Londres que visitaron Galicia durante a semana pasada destacaron o acerto na combinación da oferta de golf, termal […]
24 de Outubro de 2018
cabecera invitacion workshop Oporto

O Clúster Turismo de Galicia celebrará un novo workshop no Porto

Co obxectivo de dar a coñecer a oferta turística galega no mercado luso, o Clúster Turismo de Galicia celebrará o próximo 20 de novembro un novo […]
24 de Outubro de 2018
Premios Enoturismo Vinos de España logo

Tres asociados da Ruta do Viño Rías Baixas, recoñecidos nos Premios de Enoturismo Rutas do Viño de España 2018

Tres asociados da Ruta do Viño Rías Baixas, integrada no Club de Produto das Rutas do Viño de España, foron galardoados nos Premios de Enoturismo Rutas […]
17 de Outubro de 2018
famtrip grupo golf Celtic Spain Golf&Wellness

Galicia recibe un fam trip de empresarios de golf británicos para coñecer a súa oferta deportiva e termal

Sete representantes de clubs de golf de Londres visitan até o sábado as instalacións e a oferta dalgúns dos clubs e aloxamentos incluídos dentro dos paquetes […]