Contará cun restaurante dirixido polo principal Club Gastronómico deste país e estará presente en todas as accións da feira

Panamá será o país convidado na próxima edición de Xantar, Salón Internacional de Turismo Gastronómico, que se celebrará en Expourense en Galicia, España, entre o 1 e o 5 de febreiro de 2017, cunha caseta desde o que promocionará o destino turístico e dará a coñecer a súa oferta en distintos segmentos. A presenza de Panamá neste evento mundial ten o obxectivo de situarse como “destino cosmopolita e sustentable, conxugando tradición e modernidade” e espertar o interese dos europeos para que gocen dos seus atractivos.

Panamá contará cun restaurante propio dentro do salón que estará liderado polo Club Gastronómico de Panamá, unha asociación sen ánimo de lucro que pretende ensinarlle á comunidade panameña e internacional as virtudes da arte da gastronomía. A delegación panameña que se desprace até Xantar participará ademais nas accións profesionais da feira como os shoowcooking en directo, ou as conferencias incluídas no 12º Encontro Internacional sobre Gastronomía Sustentable e Saudable. Ademais, organizaranse catas comentadas de produtos seleccionados.

Panamá únese así á lista de países convidados en Xantar, reforzando o carácter internacional do salón e a súa vinculación con América Latina. Antes participaron como convidados Costa Rica, Cuba, Perú, Francia, Arxentina, Portugal e México. Esta participación materialízase a través da invitación realizada por esta feira internacional de Turismo Gastronómico, avalada polo Ministerio de Economía, Industria e Competitividade de España, á Autoridade de Turismo de Panamá.

Vínculos entre Panamá e Galicia
A elección deste país como convidado, para a edición na que Xantar cumpre a súa maioría de idade, contribuirá de novo a estreitar os lazos comerciais e afectivos entre Panamá e Galicia, unidos a través da emigración. No século XX, Panamá absorbeu a unha gran parte da diáspora galega que optou por pór rumbo a esta República. O seu obxectivo: participar nas obras de construción dunha gran canle que enlazase o océano Pacífico co Atlántico e que na actualidade é unha das grandes obras de enxeñaría a nivel mundial. Na actualidade, os veciños de Boborás e os seus descendentes representan a comunidade máis numerosa de todas as españolas residentes no Istmo.

09 de Xaneiro de 2017
presentacion en panama Xantar

Panamá, país convidado na 18ª edición de Xantar en Ourense

Contará cun restaurante dirixido polo principal Club Gastronómico deste país e estará presente en todas as accións da feira Panamá será o país convidado na próxima […]
05 de Xaneiro de 2017
recepción hotel

Os prezos de billetes aéreos, hoteis e transporte terrestre manteranse estables en España en 2017

Segundo os datos recolleitos por American Express Global Business Travel (GBY), as tarifas aéreas, de hoteis e de transporte terrestre experimentarán unha lixeira subida durante o […]
03 de Xaneiro de 2017
stand fitur Turismo de galicia

Turismo de Galicia destinará case 180.000 euros a 14 bolsas de formación en turismo

Co obxectivo de ofrecer formación especializada na promoción do Destino Galicia, a Xunta de Galicia habilitou orzamento para a convocatoria en 2017 dun total de 14 […]
02 de Xaneiro de 2017
albergues camino santiago

A piques de pechar o ano, Galicia supera xa os 4.700.000 viaxeiros e preto de 9.700.000 pernoitas entre xaneiro e novembro

O Camiño de Santiago tamén alcanzou cifras de marca con 278.000 peregrinos Entre xaneiro e novembro, Galicia rexistrou máximos históricos nos seus niveis de demanda turística, […]