A xornada Turismo Rural celebrada en Santiago serviu para coñecer as principais conclusións do último informe do Observatorio de Turismo Rural para o sector en Galicia

Co obxectivo de xerar sinerxías entre os profesionais do sector turístico rural, coñecerse mellor como sector e ao seu perfil de turista así como abordar os principais retos de futuro, a Cidade da Cultura de Galicia acolleu a Xornada de Turismo Rural impulsada pola Federación Galega de Turismo Rural en colaboración con Turismo de Galicia e o Clúster Turismo de Galicia na que tamén se presentaron algúns dos datos obtidos no último Observatorio de Turismo Rural elaborado por Escapada Rural en colaboración co Máster Universitario Dirección de Empresas Turísticas EU CETT- UB. Entre os datos ofrecidos por Enric López, director do Director do Máster Universitario Dirección de Empresas Turísticas, EU CETT UB e Germán Sierra, responsable de comunicación de EscapadaRural.com destacaron algúns como o de que o 26% dos establecementos turísticos galegos subiron prezos en 2016 ou que o 40% destes viaxeiros repiten destino, sendo o seu perfil maioritariamente composto por parellas (37%) e familias (35%), cun gasto concentrado en aloxamento e comida, e moi pouco en actividades complementarias. Deste perfil de turista, o Observatorio de Turismo Rural centrado nos datos de Galicia destaca o seu perfil de ecoturista, xa que o 87% identifícase con esta definición aínda que tan só o 32% dos aloxamentos xeran actividades para este nicho. Os turistas rurais en Galicia viaxan maioritariamente na primavera, ponte de maio e verán e valoran especialmente a hospitalidade e o equipamento/wellness que reciben nos establecementos rurais galegos.

Perfil do propietario de aloxamentos rurais en Galicia
O estudo tamén avalía as características dos propietarios de vivendas rurais, a partir das respostas dos 105 propietarios que contestaron a esta enquisa, o que permite coñecer aspectos como o tempo que o propietario lle dedica ao seu negocio ou a canle que se utiliza para as reservas -maioritariamente segue sendo o correo electrónico, só o 17% son reservas realizadas en casas de turismo rural en Galicia realízase vía en liña-. “É importante avaliar as motivacións que levaron ao turista rural ao noso negocio e pór en valor fortalezas como a a atención ao cliente ou a contorna, ademais de controlar a reputación en liña e medir o ROI”, explicou Enric López. Neste sentido, a xornada tamén incluíu un relatorio de Germán Sierra sobre o ROI na que abordou a importancia de analizar as principais métricas de e-mail mercadotecnia, definir KPI’s e contar con ferramentas e xestionar canles en liña que nos axudan a mellorar os resultados.

A desestacionalización, a mellora da comercialización e paquetización do turismo rural, a falta de turista estranxeiro ou a saúde do asociacionismo do turismo rural en Galicia foron tamén aspectos que se abordaron na mesa redonda coa que concluíu a xornada. Nela participaron Manuel Lema, da Casa Perfecto María, José Luís Fernández, de Amextreme e Enrique Rodríguez, de Viaxes Tambre, que fixeron fincapé na necesidade de traballar conxuntamente e de forma cohesionada pola marca Galicia, fortalecendo ás asociacións e garantindo que as diferentes administracións públicas garantan a conservación e limpeza da contorna, un aspecto que preocupa aos propietarios de vivendas rurais. A dificultade de desenvolver produtos desestacionalizadores e de manter a autenticidade e a identidade do destino Galicia foron tamén elementos que se tocaron na mesa.

02 de Marzo de 2017
Jornada Turismo Rural marzo 2017

O turista rural que elixe Galicia ten un alto índice de fidelización, identifícase co ecoturismo e valora especialmente o trato personalizado e a contorna

A xornada Turismo Rural celebrada en Santiago serviu para coñecer as principais conclusións do último informe do Observatorio de Turismo Rural para o sector en Galicia […]
23 de Febreiro de 2017
Jornada UpDatePEme

O TIC ao servizo da innovación no sector turístico abriron o programa #UpDatePeme

Impulsada pola AMTEGA en colaboración co Clúster a primeira xornada celebrada na Cidade da Cultura contou coa participación do director de I+D+i de Segittur, Enrique Lancis. Co […]
21 de Febreiro de 2017
170223_Update_Turismo_IV

Catro experiencias TIC no sector turístico abrirán este xoves na Cidade da Cultura o programa #UpDatePeme

Impulsada pola AMTEGA en colaboración co Clúster para esta primeira sesión, a xornada ten xa as inscricións abertas Co obxectivo de servir de punto de encontro […]
20 de Febreiro de 2017
congreso OPC España 2017

Arredor de 300 profesionais do segmento MICE asistiron ao congreso nacional de OPC

O 29º Congreso Nacional de Empresas Organizadoras Profesionais de Congresos de OPC España, da que forma parte OPC Galicia, celebrouse en Lleida coa participación de case […]