Normativa, comercialización e información sobre axudas e subvencións serán algúns dos aspectos que se abordarán na xornada que o próximo 7 de marzo acollerá o Cámping de Valdoviño. Trátase dunha iniciativa impulsada pola Mancomunidade de Concellos da Comarca de Ferrol, orientada ás empresas de turismo activo e surf do geodestino ferrolterra e enmarcada no convenio asinado con Turismo de Galicia para o impulso e promoción turística neste territorio e especialmente das empresas que conforman a oferta de Activo365 e Costa das Ondas.

O punto forte da xornada será a participación de dous técnicos de TripAdvisor que orientarán aos participantes para mellorar as súas vendas a través desta plataforma. Estes expertos abordarán na súa participación as tendencias en turismo activo e explicarán a mellora do posicionamento como destino, co obxectivo de darlle ferramentas ao territorio en promoción e comercialización online.

Tamén haberá un módulo de formación en lexislación do turismo activo, así como de subvencións específicas para este sector que lles permitirá coñecer as oportunidades de financiamento público para a creación de novos proxectos profesionais de turismo activo e de surf, ou ampliación dos existentes.

Módulo AGETAN
O presidente da Asociación galega de empresas de turismo activo, aventura e natureza, AGETAN, pola súa banda, informará as accións desta asociación que aglutina ao sector profesional do turismo activo de Galicia.

Para máis información e inscrición nas xornadas poden facelo nesta ligazón: http://bit.ly/melloradacomercializacion ou no teléfono teléfono 633 074 271.

04 de Marzo de 2019
velero

A comarca de Ferrolterra acolle unha xornada profesional orientada a mellorar a comercialización de empresas de turismo activo

Normativa, comercialización e información sobre axudas e subvencións serán algúns dos aspectos que se abordarán na xornada que o próximo 7 de marzo acollerá o Cámping […]
01 de Marzo de 2019
turismo a coruña

A Coruña presenta un informe que avala o comportamiento positivo do sector e o perfil dos seus visitantes

O Consorcio de Turismo de Coruña presentou as principais conclusións do informe sobre comportamento turístico elaborado en colaboración coa Escola de Turismo da Coruña. Entre os […]
28 de Febreiro de 2019
barometro Exceltuir

Balance turístico das cidades e destinos vacacionais de Exceltur en 2018

A análise levada a cabo por Exceltur aos 106 principais destinos españois confirma o peche dun ano 2018 no que se experimentou unha retardación xeneralizada no […]
21 de Febreiro de 2019
Visita Parlamento de Galicia

Visita institucional do Clúster Turismo de Galicia ao Parlamento galego

Unha ampla representación do Consello Executivo do Clúster Turismo de Galicia desprazouse até o Parlamento de Galicia para unha visita de carácter institucional que serviu a […]