Do 17 ao 19 de novembro Expourense acolle a primeira edición de Sportur, Salón do Deporte e Turismo Activo, unha iniciativa coa que se busca dar a coñecer Galicia como destino activo e saudable e promocionar a multitude de opcións que esta comunidade ofrece para os afeccionados ao deporte e ás actividades ao aire libre animando ao mesmo tempo aos propios galegos a practicalas. De feito a celebración deste salón coincide coa celebración da multitudinaria Carreira Popular de San Martiño, cuxos participantes recollerán os seus dorsais no propio recinto feiral.
Un programa con máis de 100 actividades converte a esta cita no escaparate das federacións e clubs deportivos da comunidade a través dos 121 expositores participantes, 32 dos cales corresponden a clubs e asociacións de distintos deportes que aproveitarán a súa presenza no salón para promocionarse organizando distintas exhibicións, adestramentos ou campionatos. Os expositores desta primeira edición proceden de toda a Comunidade Galega e tamén de Portugal, destacando a importante presenza da Entidade de Turismo Porto e Norte que convocou nesta cita a boa parte das súas parceiros, 21 en total.
Organizado por Expourense e coa colaboración da Axencia de Turismo de Galicia e da Secretaría Xeral para o Deporte, Sportur Galicia aspira a converterse en punto de encontro para o sector onde teñen cabida desde concellos ou outras entidades que queren promocionar os seus recursos vinculados a este sector (rutas de sendeirismo ou acuáticas, instalacións deportivas, carreiras, andainas, etc.), ata empresas de equipamentos para o deporte e a aventura ou especializadas na venda de paquetes turísticos que inclúen actividades deste tipo. De feito será tamén un centro de negocios onde destaca a organización do 1º Workshop de Turismo Activo de Galicia no que participarán almacenistas de viaxes especializadas neste sector procedentes de distintos puntos de España e que contarán cun completo programa que os levará a manter reunión B2B cos representantes de destinos de turismo activo presentes no salón, así como a participar nas presentacións de destino que realicen os expositores.
Este programa inclúe a celebración do 1º Seminario sobre Deporte e Turismo Activo de Galicia con conferencias e presentacións como a de “Termalismo Deportivo. Planificación de Eventos para Impulsar el Turismo Deportivo” que impartirá o INORDE ou a de “Xeración de Impacto Económico e Turístico a través do Deporte” da Universidade de Vigo. Pola súa banda, a Fundación Deporte Galego presentará a “Galicia Activa como ferramenta para o fomento da Actividade Física Saudable e como Referencia de Recursos en Galicia”. Este seminario inclúe ademais unha mesa redonda sobre as oportunidades que ofrece o Turismo Activo e Deportivo na que participarán axentes especializados, consultores e a Asociación Galega de Empresas de Turismo e Natureza (AGETAN).
Con vocación internacional e de continuidade
Sportur Galicia foi presentada nun acto que contou coa participación da secretaria xeral para o Deporte da Xunta de Galicia, Marta Míguez: da directora xeral de Turismo, Nava Castro; do alcalde de Ourense, Jesús Vázquez; do vicepresidente da Deputación Provincial de Ourense, Rosendo Fernández; e do director xerente de Expourense, Alejandro Rubín. Todos eles indicaron que esta cita naceu con vocación de continuidade e de converterse en feira internacional xa que é unha cita que combina o binomio deporte + turismo e que permitirá a desestacionalización do turismo achegando visitantes de proximidade a través do deporte.
A entrada a Sportur Galicia é gratuíta. As novidades de Sportur poden seguirse a través da súa web www.sporturgalicia.com e dos seus perfís en Facebook e Twitter.

17 de Novembro de 2017
Presentacion Sportur Galicia

Máis dun cento de actividades converten a Ourense na capital do turismo deportivo

Do 17 ao 19 de novembro Expourense acolle a primeira edición de Sportur, Salón do Deporte e Turismo Activo, unha iniciativa coa que se busca dar […]
15 de Novembro de 2017
fairway

A segunda edición de Fairway abordou de forma global e transversal o fenómeno do Camiño de Santiago reunindo aos axentes e profesionais que traballan ao redor das súas rutas

O Palacio de Congresos e Exposicións de Galicia viviu do 12 ao martes 14 un evento que sumou congreso, feira e workshop con turoperadores internacionais A […]
10 de Novembro de 2017
enoturismo

Catas de viño e sendeirismo para celebrar o día europeo do enoturismo

Catas comentadas de viños e sendeirismo centran a oferta de Enoturismo Galicia, marca paraugas impulsada co apoio do Clúster de Turismo de Galicia e a Axencia […]
09 de Novembro de 2017
dia mundial calidad

Expourense celebrou o Día Mundial da Calidade entregando o V Premios “Líderes en Calidade”

Baixo a lema “Liderar en tempos de cambio”, Ourense acolleu un acto de celebración do Día Mundial da Calidade 2017 no que tamén se fixo entrega […]