O Consorcio de Turismo de Coruña presentou as principais conclusións do informe sobre comportamento turístico elaborado en colaboración coa Escola de Turismo da Coruña. Entre os datos que achega o estudo destaca o comportamento “moi positivo” do sector na cidade e revela que o perfil da persoa visitante procede do Estado de maneira maioritaria, pasa na cidade 4,2 días e gasta unha media de 56,3 euros.

“Ademais da información que obtivemos do perfil de turistas, estes traballos permítennos confirmar que a satisfacción das e dos visitantes sobre a nosa cidade é moi alta e que practicamente todos os elementos que conforman a oferta turístico-cultural da cidade melloran en puntuación con respecto ao ano pasado”, indicou o alcalde da Coruña, Xulio Ferreiro, durante a presentación do estudo, do que destacou tamén que os datos das enquisas “achegan tamén que A Coruña é considerada o principal destino de Galicia”.

Estas conclusións extráense a partir das 2.285 enquisas elaboradas polo alumnado da Escola de Turismo entre os meses de xullo e setembro de 2018 nas que se apuntan que o perfil de visitantes é maioritariamente español (84,7%) cun 10,9% de Galicia e un 73,80% procedente doutras comunidades, principalmente Madrid, Andalucía, Cataluña e Comunidade Valenciana, e un 15,30% de estranxeiros, entre os que destacan os que chegan de Arxentina, Portugal, Francia e Reino Unido. As enquisas apuntan tamén a que o visitante escolle preferentemente un aloxamento en hoteis de catro e cinco estrelas e pasa na cidade unha media de 4,24 días.

No que se refire ao gasto diario durante a súa visita, os datos indican que a cantidade media de turistas e excursionistas é de 56,33 euros. Os índices reflicten que a percepción da cidade por parte dos turistas pode considerarse como moi positiva xa que a cualificación global é dun oito sobre dez e os e as visitantes volverían visitar A Coruña nun 98,7% dos casos.

Na valoración destes datos, o rexedor coruñés destacou que o crecemento turístico da cidade está a facerse segundo o Plan Estratéxico de Turismo (PET) e “desde un punto de vista sustentable, creando emprego e sen crear problemas aos veciños”, ademais de destacar os bos resultados que para a cidade herculina tamén se recolleron no último barómetro de Exceltur, que situaron o comportamento da Coruña durante 2018 como superior á media do Estado.

Neste sentido, os responsables do Consorcio tamén destacaron a importancia de contar con este tipo de estudos para coñecer os puntos fortes e débiles do destino segundo a experiencia do turista e cal é a súa evolución, ademais de avanzar no impacto económico do turismo na cidade.

01 de Marzo de 2019
turismo a coruña

A Coruña presenta un informe que avala o comportamiento positivo do sector e o perfil dos seus visitantes

O Consorcio de Turismo de Coruña presentou as principais conclusións do informe sobre comportamento turístico elaborado en colaboración coa Escola de Turismo da Coruña. Entre os […]
28 de Febreiro de 2019
barometro Exceltuir

Balance turístico das cidades e destinos vacacionais de Exceltur en 2018

A análise levada a cabo por Exceltur aos 106 principais destinos españois confirma o peche dun ano 2018 no que se experimentou unha retardación xeneralizada no […]
21 de Febreiro de 2019
Visita Parlamento de Galicia

Visita institucional do Clúster Turismo de Galicia ao Parlamento galego

Unha ampla representación do Consello Executivo do Clúster Turismo de Galicia desprazouse até o Parlamento de Galicia para unha visita de carácter institucional que serviu a […]
20 de Febreiro de 2019
anfitriones cultura del detalle

Nova edición do programa Anfitrións do Turismo

Coordinado pola Secretaría de Estado de Turismo dentro do Plan do Turismo Español Horizonte 2020, no seu eixo Valor ao Cliente, programa Calidade Percibida, o proxecto […]