Co obxectivo de captar futuros estudantes para o Centro Superior de Hostalaría de Galicia, o centro e Turismo de Galicia puxeron en marcha Desafío Hotel Management, un concurso didáctico de xestión hostaleira dirixida a estudantes de primeiro e segundo de bacharelato con vocación no sector hostaleiro e restaurador.
Esta iniciativa, que permitirá que os mozo se convertan en donos dun hotel virtual, do que terán que encargarse da súa xestión, permitiralles demostrar “o seu talento e os seus dotes de traballo en equipo e vocación emprendedora”, segundo explicaron desde Turismo de Galicia. O prazo para que os alumnos poidan inscribirse está aberto até o próximo 8 de abril. O premio para o equipo gañador será un fin de semana no Hotel Hesperia da Coruña cunha visita ás instalacións a cargo do director do establecemento hoteleiro onde poderán afondar no funcionamento do mesmo. O prazo de inscrición comeza hoxe e finalizará o vindeiro venres 8 de abril.

Dinámica do concurso
Os estudantes participantes deberán formar grupos de tres ou catro participantes que se converterán no comité de dirección dun hotel. O xogo contará con dúas fases, a fase clasificatoria, que se realizará integramente a través da rede, introducindo as decisións na plataforma en liña do xogo, e a gran final na que participarán os equipos finalistas e que se realizará de maneira presencial nas instalacións do CSHG. Nesta fase clasificatoria terán que simular tres anos de vida dun hotel, unha por cada exercicio económico do hotel, e as súas decisións condicionarán os resultados económicos e a calidade de servizo do hotel.
Todos os equipos iniciarán o xogo cun hotel que se atopa na mesma situación inicial, e ao longo da competición deberán tomar decisións sobre as principais áreas de xestión do hotel, de modo que xogando e decidindo irán coñecendo como funciona e xestiónase un hotel e, sobre todo, irán aprendendo dos resultados que obteñan a partir das súas propias decisións.
Na fase final, que se realizará, o 14 de maio, nunha xornada de portas abertas nas instalacións deste Centro, cada equipo disporá dunha sala coma se dun consello de dirección tratásese, e enfrontaranse a unha simulación similar á da fase clasificatoria, pero cun nivel maior de dificultade.

Nova imaxe
Esta iniciativa nace co obxectivo de engadir á habitual campaña de captación de alumnos do CSHG unha nova maneira de darse a coñecer entre os futuros alumnos, dunha maneira máis práctica e didáctica. Outra das novidades do Centro para este ano 2016 é a renovación da súa imaxe corporativa que ademais de incluír un novo logo e un novo espazo web levará consigo o deseño de novos uniformes de prácticas para os alumnos.

29 de Febreiro de 2016
CSHG logo

Nova dinámica de captación de estudantes para o CSHG, que estrea imaxe e web

Co obxectivo de captar futuros estudantes para o Centro Superior de Hostalaría de Galicia, o centro e Turismo de Galicia puxeron en marcha Desafío Hotel Management, […]
26 de Febreiro de 2016
portada díptico

O II Encontro Clúster Turismo de Galicia estará centrado na comercialización do destino Galicia

A xornada, cuxo prazo de inscrición xa está aberto, desenvolverase no Auditorio Mar de Vigo o 17 de marzo A comercialización do destino turístico é un […]
24 de Febreiro de 2016
rprutarrbb1

En marcha a programación especial da Ruta do Viño Rías Baixas no seu 20 aniversario

Con motivo da celebración do 20 aniversario da constitución da Ruta do Viño Rías Baixas, a asociación sen ánimo de lucro puxo en marcha un programa […]
18 de Febreiro de 2016
Alberto Núñez Feijoo y Nava Castro se reunieron con el Clúster en el CSHG

O Clúster mantén un encontro con Núñez Feijóo para fixar conxuntamente os obxectivos do sector turístico até 2021

O Clúster de Turismo de Galicia mantivo un encontro co presidente da Xunta, Alberto Núñez Feijóo e a directora de Turismo de Galicia, Nava Castro, co […]