O informe Turismo Termal en España analiza a situación, debilidades e posibilidades de mellora do termalismo en España

Problemas de comercialización, coñecemento e mantemento das instalacións e un posicionamento pouco claro dun sector moi fragmentado son algunhas das debilidades do sector termal en España, un sector que, con todo, facturou 225 millóns de euros o ano pasado a través das 20.000 prazas ofertadas nos 114 balnearios existentes no noso territorio. Este volume de negocio sitúa ao sector termal ao mesmo nivel que o das casas de turismo rural, polo que é evidente que nos atopamos ante un sector estratéxico, tamén en Galicia.

Non en balde no territorio galego comercialízanse 3000 prazas en 21 establecementos, sen esquecer as 300 captacións de augas termais existentes, segundo os datos de 2013 da Asociación de Balnearios de Galicia. “O turismo termal abre un novo nicho de clientes porque proporciona un novo abanico de sistemas, métodos e que vai consolidar o futuro deste mercado no noso país”, afirma Marío Crecente, o autor do estudo O Turismo Termal en España. Neste informe, que foi presentado en Madrid este mes de maio, recolle unha serie de propostas para mellorar o coñecemento do patrimonio, atender á demanda e as súas necesidades, facer un correcto seguimento do mantemento das instalacións, así como a mellora do equipamento e unha xestión enerxética eficiente.

Crecente destaca no seu informe que é necesario clasificar e definir a oferta, dotala de calidade, facer unha xestión dos recursos sustentable e ter unhas instalacións especializadas, ademais de mellorar a comercialización do produto a través da creación de webs e app especializadas ou a través de clubs de produto ou asociacións especializadas na comercialización deste tipo de produto xa que estamos ante unha oferta moi fragmentada e pouco coñecida entre os turoperadores internacionais. Neste sentido, sería necesario mellorar a formación de guías de turismo, idiomas, ciclos formativos, comercialización ao sector médico ou a creación dun Ciclo Superior en Deseño Termal.

30 de Maio de 2016
sector termal en España h

O sector termal en España alcanza o volume de negocio do turismo rural

O informe Turismo Termal en España analiza a situación, debilidades e posibilidades de mellora do termalismo en España Problemas de comercialización, coñecemento e mantemento das instalacións […]
24 de Maio de 2016
ribeirasacra1

Ribeira Sacra contará con 200.000 euros de finananciación pública para a súa promoción como destino turístico de interior

Grazas a un acordo asinado entre Turismo de Galicia e o Consorcio de Turismo da Ribeira Sacra, 21 concellos beneficiaranse do investimento até 2017 Co obxectivo […]
24 de Maio de 2016
firma convenio FEB

O Cluster Turismo de Galicia asina un convenio coa Federación de Empresarios do Barbanza

Os presidentes de ambas as entidades asinaron un acordo marco de colaboración para colaborar en accións conxuntas no marco turístico O Clúster Turismo de Galicia (CTG) […]
24 de Maio de 2016
Entrega Q de Calidad 2016

Núñez Feijóo destaca o peso do sector turístico no conxunto da economía galego como “un dos alicerces básicos do edificio empresarial de Galicia”

O presidente da Xunta clausurou o acto de entrega das 274 Q de Calidade que Galicia acada en 2016, seis máis que o ano pasado “Sodes o […]