A Xunta de Galicia, dende o programa “O teu Xacobeo”, impulsa este verán travesías náuticas xacobeas que se realizarán a bordo de catro veleiros que operarán dende os portos de Vigo, Portonovo, Baiona, Ribeira e a Pobra do Caramiñal. Completarán as rutas terrestres existentes dende estes portos que forman parte da denominada “Travesía Náutica Xacobea Sur”. Están concebidas, ademáis, co obxectivo de difundir a cultura galega, a gastronomía e a historia de Galicia.

Horarios e percorridos

Os percorridos que saen dende os portos das Rías de Vigo e Pontevedra pretenden complementar as etapas a pé do Camiño ao longo dos meses de agosto e setembro e están coordinadas pola empresa Chárter Galicia.

As rutas dende Ribeira funcionan no mes de agosto con varios horarios de mañá e tarde os martes e venres. O obxectivo principal é facer o mesmo percorrido que fixo o corpo do Apóstolo, desde o Océano Atlántico ata o cruceiro do parque de Pedra Pateira, en Santa Uxía, considerado a porta de entrada na Ruta Xacobea do mar de Arousa e Ulla. Estas rutas están coordinadas polo Concello de Ribeira.

No mes de setembro e outubro, o concello da Pobra do Caramiñal coordinará unha traslatio cunha ruta en veleiro similar á ofrecida estes días en Ribeira. E tamén desde o 24 de agosto poranse en marcha rutas xacobeas do mar de Arousa a pé que conectarán a Illa de Cortegada co Camiño de Santiago.

O programa “O teu Xacobeo” conta cun investimento de 4,7 millóns de euros para poner en marcha 352 proxectos espallados por toda Galicia de cara á promoción do Xacobeo 2021. Dentro destas iniciativas existe outra vinculada á peregrinación por mar, pois a Xunta participará na restauración do Noamh Gobnait, unha embarcación tradicional que alcanzou dende Irlanda  as costas galegas e os seus peregrinos lograron chegar a Compostela. O barco descansa no Museo do Mar de Galicia.

23 de Agosto de 2019
Turismo nautico_ruta xacobea

A Xunta impulsa travesías náuticas para percorrer o Camiño de Santiago por mar dende cinco portos galegos

A Xunta de Galicia, dende o programa “O teu Xacobeo”, impulsa este verán travesías náuticas xacobeas que se realizarán a bordo de catro veleiros que operarán […]
22 de Agosto de 2019
Nava Castro_camping

Clasificación por estrelas e novas áreas de especialización no novo decreto para a regularización dos campings galegos

A directora de Turismo de Galicia, Nava Castro, informou dende Valdoviño – A Coruña – sobre as novidades da regulación para este tipo de aloxamentos, que […]
21 de Agosto de 2019
Dinamismo del sector hotelero en Galicia 2009-2019

A Xunta de Galicia presenta o balance da actividade do sector hoteleiro na última década

O conselleiro de Cultura e Turismo, Román Rodríguez, e a directora da Axencia Turismo de Galicia, Nava Castro, presentaron este luns o  informe “Dinamismo do sector […]
20 de Agosto de 2019
agalber

Agalber demanda máis coidados para o Camiño Francés e insta a regular as vivendas de uso turístico

A Asociación  Galega de Albergues Privados ( Agalber) demanda á Xunta e aos Concellos polos que transcorre o Camiño de Santiago que tomen medidas para regular […]