O Clúster Turismo de Galicia recibirá o Premio Q de Calidade Turística concedido polo Instituto para a Calidade Turística Española (ICTE) durante a celebración da próxima edición de Fitur, que arrinca este mércores en Madrid. Trátase dun dos recoñecementos máis importantes do sector e a súa entrega terá lugar durante a gala da Noite Q 2020, que terá lugar o vindeiro xoves, 23 de xaneiro na Galería de Cristal Palacio de Cibeles, sede do Concello de Madrid. Tamén recibirán o distintivo o Concello de Torremolinos, a Asociación de Empresarios de Praia Costa do Sol, o Concello de Puerto de la Cruz e o Cabildo de Tenerife.

O obxectivo dos galardóns é recoñecer o esforzo realizado polas institucións ou persoas particulares para impulsar a marca Q de Calidade Turística. No caso do Clúster Turismo de Galicia o ICTE fai entrega deste premio ao CTG en recoñecemento ao compromiso do empresariado turístico galego coa Marca Q de Calidade, cunha participación activa do Clúster, no apoio a todas as accións ao redor da Q que se impulsan desde a Xunta de Galicia e coa culminación dun importante número de certificacións, que converteu a esta Comunidade na segunda de toda España neste aspecto.

Recollerá o Premio o presidente do Clúster, Cesáreo Pardal nunha gala que estará presidida pola Secretaria de Estado de Turismo, Isabel Oliver e o presidente do ICTE, Miguel Mirones, que manifestou que con estes Premios, desde o Instituto quérese subliñar unha vez máis a importancia da colaboración público-privada, posto que se están recoñecendo a entidades tanto privadas como públicas que apostaron por formulas de colaboración para implantar nos seus territorios sistemas de calidade, promocionar a Marca Q e aumentar o numero de certificacións.

A segunda comunidade no ranking
Galicia conta con 290 certificacións, o que a sitúa no segundo posto do ranking, tras Andalucía que acumula un total de 330 e moi por diante da Comunidade Valenciana, que conta con 196 recoñecementos deste tipo.

O maior número de certificacións, un total de 79 (máis do 27%), outorgáronse a hoteis e apartamentos turísticos; por detrás sitúanse os restaurantes (22%), os servizos turísticos de intermediación (15,5%) e aloxamentos rurais (9,3%).

Por outra banda, son dez os portos deportivos que contan coa Q de Calidade, un total de sete balnearios, seis Oficinas de Información Turística, catro cámpings, tres empresas de turismo activo e outro tres doutros servizos vinculados ao sector e dous de transporte turístico.

20 de Xaneiro de 2020
Q Calidad

O Clúster de Turismo de Galicia recibirá o Premio Q de Calidade Turística durante a celebración de Fitur

O Clúster Turismo de Galicia recibirá o Premio Q de Calidade Turística concedido polo Instituto para a Calidade Turística Española (ICTE) durante a celebración da próxima […]
15 de Xaneiro de 2020
Facendo o Camiño

O Camiño Portugués pola Costa a exame a través do proxecto Facendo Camiño de Proturga

Facendo Camiño, proxecto para sensibilizar, pór en valor e analizar o Camiño de Santiago analiza un tramo deste itinerario, no marco do programa “O teu Xacobeo”, […]
14 de Xaneiro de 2020
Photo by Nicolas Postiglioni from Pexels

O sector turístico do norte denuncia que se agrava ?a discriminación? ferroviaria nestes territorios

Por contra a rede aeroportuaria de Galicia conclúe con marca en número de viaxeiros, con subida nas terminais de Alvedro e Lavacolla As asociacións de hostalaría […]
13 de Xaneiro de 2020
Fitur2020

Participación do Clúster Turismo de Galicia en Fitur

Un ano máis esta entidade xestionará o espazo de negocios dentro da caseta de Galicia na Feira Internacional de Turismo, a primeira gran cita do ano […]