O Clúster Turismo de Galicia contou coa súa propia caseta para ofrecer información dos seus asociados

A oferta turística galega así como os principais atractivos do noso territorio ou as festas de interese turístico que se celebran na comunidade foron algúns dos alicientes para os visitantes do Salón do Turismo de Galicia, Turexpo, que celebrou a súa terceira edición, conxuntamente con FESTUR, no marco da celebración da Semana Verde de Silleda, o que garantiu un gran fluxo de persoas durante o catro xornadas, pero especialmente durante o fin de semana. Durante eses días, o Clúster Turismo de Galicia contou coa súa propia caseta no que se ofreceu información sobre a entidade e os seus asociados, con especial interese pola oferta de turismo rural.

Xornadas profesionais
Ademais de promocionar a oferta turística galega ao público en xeral, Turexpo foi punto de encontro para o sector, a través da bolsa de contratación turística que permitiu dar a coñecer os produtos e servizos turísticos galegos aos 30 turoperadores de 10 países distintos que asistiron este ano para captar as propostas turísticas que poden comercializar ao público final nolos seus lugares de orixe.

Neste sentido, os turoperadores, ademais de manter preto de 1.280 reunións de traballo cunhas 80 empresas da Comunidade, realizaron varias viaxes de familiarización polas terras galegas. Desde o venres visitaron lugares como o Centro histórico de Pontevedra, Vigo, as Illas Cíes, Baiona e Compostela.

Festur e folleto de festas de interese turístico
Os asistentes tamén puideron coñecer a oferta de Festur, un atractivo escaparate de moitas das celebracións galegas recoñecidas como de interese turístico polas súas significacións culturais ou gastronómicas. Estas festas son máis de 100 na Comunidade e 6 delas foron declaradas neste ano 2016: a Pantín Classic Galicia Prol de Valdoviño, a Feira do Queixo do Cebreiro, a Xuntanza Internacional de Gaiteiros de Monterrei, o Entroido de Vilariño de Conso, a Feira do Viño do Rosal e a Festa do Viño do Condado.

Tamén se aproveitou o encontro para repartir o novo folleto de festas de interese turístico editado por Turismo de Galicia, no cal se recollen os principais datos das celebracións galegas así declaradas a nivel comunitario, estatal e internacional.

13 de Xuño de 2016
Turexpo 2016

Turexpo e Festur promoveron a oferta turística galega no marco da Semana Verde de Silleda

O Clúster Turismo de Galicia contou coa súa propia caseta para ofrecer información dos seus asociados A oferta turística galega así como os principais atractivos do […]
24 de Maio de 2016
firma convenio FEB

O Cluster Turismo de Galicia asina un convenio coa Federación de Empresarios do Barbanza

Os presidentes de ambas as entidades asinaron un acordo marco de colaboración para colaborar en accións conxuntas no marco turístico O Clúster Turismo de Galicia (CTG) […]
14 de Maio de 2016
clasificacion hoteles

Clúster Turismo de Galicia valora positivamente o novo decreto de regulaciación dos establecementos hoteleiros

O interlocutor do sector turístico galego destaca que a nova normativa introduce criterios de valoración baseados na calidade dos servizos e flexibiliza os parámetros métricos A […]
12 de Maio de 2016
charla stgo

Compostela e Baiona acolleron senllas charlas sobre a nova normativa de Vivendas de Uso Turístico

Santiago de Compostela e Baiona acolleron esta semana senllas charlas informativas ofrecidas pola Axencia de Turismo de Galicia para dar conta da normativa que regulará as […]