As 12 mesas de traballo xestionadas na caseta galega foron punto de encontro para quen se achegaba a solicitar información sobre Destino Galicia

O Salón Internacional de Turismo de Madrid, FITUR 2017, pechou as súas portas o domingo con marca de visitantes, máis de 245.000, e tamén con moi boas sensacións no espazo de traballo que, por terceiro ano consecutivo, xestionou o Clúster de Turismo de Galicia na caseta de Galicia. Ao redor de 250 profesionais do sector turístico interesáronse polo destino Galicia e desenvolvéronse máis de 300 encontros profesionais xestionados directamente aos que habería que engadir as axendas de cada un dos turoperadores que participaron neste espazo orientado a profesionais, que tiveron á súa disposición un total de 12 mesas de traballo.

Durante os días dedicados ao sector profesional, do 18 ao 20 de xaneiro, o espazo de Galicia en Fitur acolleu unha intensa actividade de networking que permitiu pechar encontros entre hostaleiros, consultoras, responsables de novas tecnoloxías, portais de xestión de reservas en liña, axencias de viaxes e empresas de receptivo que se interesaron pola oferta turística galega. Este ano levouse a cabo, ademais, contacto con outros Cluster de Turismo como o Cluster de Turismo Rural Asturias, Clúster do Turismo de Monterrei (México) ou o Clúster de Turismo de Romanía, interesados en coñecer o proceso de posta en marcha do Clúster galego.

O exemplo de Clúster galego
Unha gran cantidade de solicitudes de contacto para manter reunións no espazo de networking foron hoteis que mantiveron encontros con axencias e axencias de viaxe en liña como Logitravel, Destinia, Edreams, consultoras e cadeas hostaleiras. Fundamentalmente buscaban información e apoio para implementar novas tecnoloxías ou mellorar a xestión hostaleira, reservas, etc.

O Camiño de Santiago volveu ser un recurso con moito tirón, aínda que nesta edición houbo maior número de contactos relacionados con implementación de servizos para os peregrinos e establecementos interesados en captar fluxo de peregrinos fronte á edición pasada onde era maior o número de axencias interesadas no Camiño. O maior peso en canto á procedencia dos contactos foi española aínda que tamén houbo contactos con empresas procedentes de Italia, Portugal, Suíza, Alemaña, México, Venezuela, Marrocos, China, Inglaterra e Estados Unidos.

Resposta efectiva para os profesionais
Os encontros sucedéronse nas mesas habilitadas para tal fin na caseta de Galicia, en franxas de 30 minutos e co apoio de persoal de asistencia técnica do Clúster do Turismo, que orientou e asesorou sobre as necesidades de cada un dos profesionais que se achegaron a interesarse pola oferta turística galega, derivando a cada solicitante a quen lle puidese ofrecer resposta á súa solicitude.

Desde o Clúster o seu presidente, Francisco González, valorou moi positivamente tanto o incremento de reunións de traballo como a aposta de Turismo de Galicia por este punto de networking para profesionais, que “demostrou dar unha resposta efectiva para o sector turístico galego, que conta cun espazo idóneo para completar o seu traballo en Fitur”.

23 de Xaneiro de 2017
mesas de trabajo Fitur 2017

O espazo de traballo do Clúster Turismo de Galicia en Fitur xestionou máis de 300 encontros profesionais

As 12 mesas de traballo xestionadas na caseta galega foron punto de encontro para quen se achegaba a solicitar información sobre Destino Galicia O Salón Internacional […]
23 de Xaneiro de 2017
Feijoo en Fitur 2017

Feijóo avanza as directrices para o Plan Estratéxico do Turismo 2017-2020

O presidente da Xunta fixo a súa intervención no Día de Galicia en Fitur Tras facer balance dun ano cheo de marcas na chegada de turistas […]
19 de Xaneiro de 2017
presentacion grupo

Clúster Turismo de Galicia presentou ambos os proxectos na caseta de Galicia en Fitur As dúas marcas, postas en marcha o ano pasado, continuarán o seu desenvolvemento en 2017 para mellorar a comercialización da oferta turística 19 de xaneiro 2017.- Concibidas co obxectivo de mellorar a comercialización e a especialización do Destino Galicia as marcas Enoturismo Galicia e Galicia, Destino Familiar tiveron o seu espazo no programa de presentacións da caseta de Galicia en Fitur. Ambos os proxectos, impulsados no marco do concurso anual de ideas que pon en marcha o Clúster de Turismo de Galicia entre os seus asociados, foron creados co obxectivo de impulsar unha maior especialización da oferta turística galega, contribuíndo a impulsar entre os seus usuarios potenciais a oferta que Galicia aglutina tanto en materia enoturística como vinculada ao segmento do turismo familiar. ?A estas alturas ninguén dubida xa do potencial enoturístico galego?, explicou o presidente do Clúster Turismo de Galicia, Francisco González, ?pero en conversación coas Rutas dos Viños de Galicia fomos conscientes da importancia de crear unha marca forte e única que aglutine todo este patrimonio e facilite o labor da súa comercialización?. González destacou, ademais, a importancia do enoturismo como elemento vertebrador dunha oferta turística diferenciada e de calidade, traballando man a man para fomentar a súa comercialización a través de paquetes enoturísticos. Así nace a marca Enoturismo Galicia no que se agrupan os recursos das Rutas do Viño do Ribeiro, Ribeira Sacra, Rías Baixas, Monterrei e Valdeorras, tras a súa adhesión ao Clúster Turismo de Galicia. O presidente da Ruta do Veu Rías Baixas, Juan Gil, en nome de todas as Rutas, animou aos presentes a coñecer este patrimonio: ?veñan coñecer a nosa forma de elaborar os nosos extraordinarios viños singulares, veñan ver os nosos viñedos, tan distintos de todo o coñecido, desde os máis belos emparrados xunto ao mar das Rías Baixas até os heroicos socalcos da Ribeira Sacra, desde as ladeiras pizarrosas de Valdeorras até as terras altas de Monterrei, pasando polas fermosas veigas e os minifundios graníticos do Ribeiro?, ao tempo en que facía fincapé en que Galicia conta cunha materia prima impresionante para estar entre os primeiros destinos nacionais para gozar da natureza e o enoturismo. Galicia, polo de atracción para o turismo familiar Xunto co Enoturismo, o segundo proxecto presentado polo Clúster de Turismo foi o da creación do selo Galicia, Destino Familiar, unha iniciativa está a dar os seus primeiros pasos para implantarse este ano e na que están implicadas o Consorcio de Empresarios de Turismo de Sanxenxo (CETS), Federación Provincial de Empresarios de Hostalaría de Pontevedra (FEPROHOS), Centro Español de Novas Profesións (CENP), Viaxes Fisterra (Interrías), Asociación Provincial de Axencias de Viaxe de Pontevedra (AVIPO) e Hotel Baía de Vigo. Francisco González destacou o gran potencial do noso territorio como polo de atracción do turismo familiar. ?Galicia é o segundo destino nacional preferido polas familias españolas para pasar o verán, segundo os datos solicitados pola Federación Española de Familas Numerosas?, destacou o presidente do CTG, que fixo fincapé na necesidade de ordenar e pór en marcha un sistema de acreditación que permita a este segmento identificar os servizos turísticos e establecementos galegos especializados que dispoñan de instalacións e actividades pensados e adaptados para as familias. O primeiro paso deuse en 2016 coa posta en marcha da web, aprobación de requisitos e apertura das solicitudes para adherirse a este programa e que poden solicitar a súa inscrición a través da web http://galiciadestinofamiliar.gal/. Tras un proceso de avaliación e comprobación de que cumpre os requisitos para formar parte do programa, incorporarase cada establecemento/servizo á web e app de Galicia Destino Familiar. Desta forma irase xerando unha rede de ofertas ao redor de Galicia como destino turísticos ideal para o goce das familias, fomentando así a especialización da oferta turística, a cooperación entre diferentes empresas e entidades deste segmento. A posta en marcha deste proxecto busca, ademais, apoiarse na xeración dunha oferta específica para as familias na que o selo de Galicia Destino Familiar sexa un aval tanto para os clientes como para o sector, contribuíndo a fidelizar ao público obxectivo deste proxecto.

Clúster Turismo de Galicia presentou ambos os proxectos na caseta de Galicia en Fitur As dúas marcas, postas en marcha o ano pasado, continuarán o seu […]
16 de Xaneiro de 2017
Invitacion Fitur

O Clúster de Turismo de Galicia presenta en Fitur dous dos seus proxectos conxuntos de mellora da oferta turística galega

A caseta de Galicia no Salón Internacional de Turismo, Fitur, que se desarolla do 18 ao 22 de maio en Madrid, acollerá a presentación de dúas […]