A ministra de Industria, Comercio e Turismo, Reyes Maroto, visitou a World Travel Market e a caseta de Turespaña, onde tivo a oportunidade de conversar brevemente co presidente do Clúster Turismo de Galicia, Cesáreo Pardal, así como coa responsable de internacionalización de Turismo de Galicia, Carmen Pita. Maroto aproveitou a súa presenza para destacar que confía en que o mercado británico seguirá sendo o principal mercado emisor para España, como o vén sendo até agora. Non en balde 18 dos 81 millóns de turistas que elixiron España o ano pasado foron británicos, que manteñen unha taxa moi alta de fidelización, xa que un 84% repiten a súa visita ao noso país.

Con todo, tamén destacou a máxima responsable do turismo no noso país, que evidentemente existe incerteza ante o Brexit, aínda que avanzou que o sector turístico español cre que está a preparar para o brexit e augurou un futuro que permita “manter as fortes relacións bilaterais co Reino Unido”. “Temos que alertar e axudar ás empresas neste asunto”, asegurou a ministra, quen informou de que ten previsto viaxar proximamente á capital belga para “analizar a situación”.

Sol e praia segue sendo o que buscan os turistas británicos no noso país, aínda que a ministra destacou a importancia de diversificar a oferta. “Queremos manter o “sol e praia”, e nos Orzamentos para 2019 propomos novos investimentos, pero tamén queremos fomentar a diversificación de produto con outros recursos que ten España”, explicou. Neste sentido, destacou o “turismo de cidade, gastronómico ou rural”, así como “potenciar a oferta do todo incluído que, afirmou, “continúa sendo o produtor estrela entre os británicos”.

“Queremos incrementar o valor do paquete con novas actividades como sendeirismo, golf ou actividades náuticas que poidan sumar valor a un produto que xa é moi bo”, puntualizou. Para Maroto é primordial traballar en “reforzar a calidade da marca España” por riba do prezo da oferta para diferenciarse dos seus principais competidores, como Tunes, Exipto e Turquía.

Traballar a futuro

Como plans principais, recalcou o cambio nos plans de mercadotecnia de Turespaña, así como a Estratexia de Turismo Sustentable 2025, que permitan “manter a competitividade” no sector.
Ademais, proclamou como un dos principais obxectivos atraer a mercados afastados como China porque dos 146 millóns de turistas que emite ao ano, só 600.000 visitan España.

09 de Novembro de 2018
foto Reyes Marto 1

España fronte ao Brexit

A ministra de Industria, Comercio e Turismo, Reyes Maroto, visitou a World Travel Market e a caseta de Turespaña, onde tivo a oportunidade de conversar brevemente […]
07 de Novembro de 2018
WTM 2018 reuniones3

Medra o interese da turoperación británica polo destino Galicia

Conclúe a misión comercial do Clúster Turismo de Galicia na World Travel Market de Londres con boas sensacións e duplicando o número de encontros profesionais celebrados […]
05 de Novembro de 2018
foto grupo WTM2018

Unha trintena de profesionais participan desde hoxe na WTM de Londres, cita imprescindible para o sector turístico

O Clúster Turismo de Galicia volve participar na World Travel Market de Londres da man de Turismo de Galicia para seguir impulsando a internacionalización do sector […]
31 de Outubro de 2018
Mesa Provincial de Turismo

Os 61 concellos de Pontevedra protagonizarán a campaña de promoción turística da Deputación no 2019, centrada nas festas de interese turístico

Fitur volverá marcar o comezo da promoción turística para 2019, tamén para a Deputación de Pontevedra, que traballa xa nos eixos ao redor dos que virará a […]