Co obxectivo de ofrecer información sobre as actuacións e os produtos turísticos específicos desenvolvidos até a data polo Clúster de Turismo de Galicia en colaboración cos seus asociados, unha edición máis esta entidade volverá ter presenza no Salón Turístico de Galicia (Turexpo) que se desenvolve de forma paralela á 42ª Abanca Semana Verde até o domingo. Ademais, moitas das empresas do sector turístico galego tamén se dan cita nesta feira co obxectivo de participar na Bolsa de Contratación Turística,na que se dan cita 48 operadores internacionais interesados en captar novos propostas turísticas no noso territorio, o que converte neste encontro nunha importante plataforma de negocio para a oferta turística.

Operadores procedentes de Alemaña, Brasil, EE. UU, Finlandia, Italia, Irlanda, Portugal, Rusia, Suecia e Suíza, ademais de España manteñen até mañá encontros profesionais agendadas en función dos intereses de ambas as partes, con especial interese por parte de moitos destes turoperadores polo turismo de natureza e gastronómico, ou para establecer contacto con spas e balnearios, compañías de transporte e empresas de turismo rural e activo.

Visita a Lugo e a Mariña Lucense

A estas mesas de negocio engadirase o venres día 7 pola tarde e o sábado 8 durante todo o día unha viaxe de familiarización que levará a Lugo e a Mariña Lucense a máis de trinta destes turoperadores participantes na Bolsa. Así, o venres realizarán unha visita guiada polo Lugo romano, incluíndo paseo pola muralla, a Casa dos Mosaicos e o Mitreo. Cearán na pulpería ?Aurora do Carballiño? e aloxaranse no Hotel Méndez Núñez. Xa o sábado coñecerán en Viveiro o eucaliptal de Chavín e o miradoiro de San Roque, ademais de realizar unha visita teatralizada ao centro histórico da vila. Comerán no restaurante As Sirenas e viaxarán pola costa até a praia das Catedrais. Posteriormente irán a Mondoñedo.

Como remate deste fam trip, o domingo pola mañá os turoperadores realizarán unha visita guiada polo centro histórico de Santiago de Compostela.

07 de Xuño de 2019
Turexpo 2019

O Clúster de Turismo de Galicia participa até o domingo nunha nova edición de Turexpo

Co obxectivo de ofrecer información sobre as actuacións e os produtos turísticos específicos desenvolvidos até a data polo Clúster de Turismo de Galicia en colaboración cos […]
21 de Maio de 2019
jornadas financiacion 3

Profesionais do sector turístico profundan en ferramentas e axudas financeiras para mellorar as súa competividade

A Cidade da Cultura acolleu a xornada de formación a profesionais de sector turística orientada a coñecer en maior profundidade as ferramentas financeiras de que dispoñen […]
15 de Maio de 2019
Firma convenio Cluster TIC

Clúster Turismo de Galicia e Clúster TIC cooperarán para a mellora da competitividade do sector turístico

Ambas as entidades asinaron un acordo marco de colaboración para impulsar proxectos de interese común para ambos os sectores Co obxectivo de continuar avanzando na xeración […]
10 de Maio de 2019
Turexpo Galicia

O Clúster Turismo de Galicia volverá estar presente en Turexpo

Unha edición máis volverá celebrarse a Bolsa Internacional de Contratación Turística para a que é necesario inscribirse A 9ª edición de Turexpo Galicia, que terá lugar […]