A certificación, impulsada pola Asociación do Deporte Español, polo Consello Superior de Deportes e polo Comité Olímpico Español recalou en Galicia para a presentación desta iniciativa e a entrega do primeiro selo Sporttoury ao Hotel Carlos I Silgar

Co obxectivo de crear un sistema de catalogación en turismo deportivo, baseado na especialización turística neste segmento de mercado inventariando instalacións, servizos e experiencias de organizacións e usuarios vinculadas ao deporte e á actividade física nun territorio concreto, a Marca de Garantía de Turismo Deportivo, Sporttoury, avalada pola Asociación do Deporte Español, polo Consello Superior de Deportes e polo Comité Olímpico Español recalou en Galicia para a presentación desta iniciativa e a entrega do primeiro selo Sporttoury, e dentro dela, a máxima distinción, Sporttoury Premium, que recaeu no Hotel Carlos I Silgar, polo seu traballo de unión de todos os axentes públicos e privados que operan no sector do turismo deportivo neste municipio. O establecimento de Sanxenxo convértese así no primeiro establecemento de Galicia e de todo o Norte de España que o logra.
A entrega celebrouse nos salóns do hotel nun acto presidido pola directora de Turismo de Galicia, Nava Castro, e no que participaron o CEO de Sporttoury, Antonio José García; o delegado da xunta directiva da Asociación do Deporte Español (ADESP), Carlos García Gómez; o director do hotel, Leonardo López, e o alcalde de Sanxenxo, Telmo Martín, no marco dunha xornada de traballo na que tamén se desenvolveu unha mesa de traballo multidisciplinar que ten como fin situar a Sanxenxo como destino óptimo para os turistas deportivos e na que participaron Concello de Sanxenxo, Real Club Náutico de Sanxenxo, Eolo, Círculo Cultural Deportivo de Sanxenxo, París Dakar Área Recreativa, Mission Surf e Hípica Ábrego.

Turismo deportivo, un nicho en desenvolvemento
O proxecto SportToury nace co obxectivo de prestar un servizo máis completo e de calidade a todos o seu federados, ofrecendo unha relación de estabelcimientos e servizos de calidade para a práctica deportiva en todo o territorio nacional, un servizo que se pode estender a calquera turista que visita o noso país e que, a través do portal de Sporttoury pode atopar as mellores opcións para a práctica de calquera deporte.
O proxecto, lanzado a comezos deste ano 2017, inclúe, ademais, a entrega dun distintivo acreditativo de calidade aos establecementos hoteleiros e zonas turísticas que ofrezan unhas garantías mínimas para os clientes potenciais dos devanditos establecementos, para o exercicio das actividades deportivas que integran ás distintas federacións deportivas.
E é que tanto España como Galicia en particular, ofrece unha gran diversidade de espazos para a práctica deportiva que permiten apostar por este nicho de mercado como é o do turismo deportivo. Non en balde cabe lembrar unha de cada oito persoas acode a España para facer deporte ou para algún evento deportiv, o que ofrece unhas grandes opcións de desenvolvemento de negocio para os establecementos hoteleiros.

19 de Setembro de 2017
presentacion sporttoury

Galicia estréase na certificación Sporttoury, nova marca de calidade do Turismo Deportivo en España

A certificación, impulsada pola Asociación do Deporte Español, polo Consello Superior de Deportes e polo Comité Olímpico Español recalou en Galicia para a presentación desta iniciativa […]
14 de Xuño de 2017
lecer galicia calidade

A plataforma Lecer de Galicia Calidade incorpora 12 novos establecementos turísticos

O selo Galicia Calidade, dependente da Consellería de Economía Emprego e Industria, acaba de incorporar 12 novos establecementos turísticos dentro da marca Lecer, que agrupa establecementos […]
05 de Xuño de 2017
seminario formación Foz

Proturga impulsa a celebración dun Curso de Experto en Calidade Turística

En colaboración co Instituto para a Calidade Turística Española (ICTE), a Asociación de Profesionais de Turismo de Galicia (Proturga) organizou un curso que capacitará aos seus […]
23 de Febreiro de 2017
Sicted presentación

Ferrol retoma o proxecto para distinguir a calidade turística e Pontevedra implementa tamén plan de asesoramento para lograr máis SICTED

Co obxectivo de seguir darlle un impulso ao proxecto SICTED en Ferrol, as empresas que xa participan no devandito programa asistiron esta semana a unha sesión […]