O presidente da Xunta clausurou o acto de entrega das 274 Q de Calidade que Galicia acada en 2016, seis máis que o ano pasado

“Sodes o mellor reflexo de Galicia”. Así se manifestaba o presidente da Xunta, Alberto Núñez Feijóo na entrega das Q de Calidade que tivo lugar no Real Club Náutico de Sanxenxo, unha entrega de marca, xa que a comunidade conta xa con 274 destas distincións, só por detrás de Andalucía, algo que o presidente destacaba especialmente tendo en conta as diferenzas en volume de habitantes e establecementos entre as dúas comunidades autónomas. Núñez Feijóo destacou especialmente a progresión que Galicia viviu estes anos cara á excelencia. Non en balde, se en 2004 apenas había 16 empresas certificadas, hoxe esta cifra chega ás 274 Q, liderando o número de Q en infraestruturas como os hoteis, os apartamentos turísticos, as casas de turismo rural, os balnearios ou as instalacións náuticas.

“Celebramos o incremento do número de empresas certificadas, con 6 máis este ano, pero, sobre todo, celebramos o traballo a longo prazo”, abundou, incidindo en que a marca Q de calidade significa prestixio, diferenciación, fiabilidade, rigorosidade e promoción. Neste sentido, o presidente da Xunta destacou, ademais, o traballo man a man co sector a través do Clúster Turismo de Galicia que, xunto a Turismo de Galicia, traballan en diferentes iniciativas conxuntas a favor da excelencia e a profesionalización do sector, obxectivos recolleitos no Plan integral de turismo de Galicia 2014-2016 como un dos alicerces básicos sobre os que se debe sustentar “o edificio turístico industrial de Galicia”.

Neste sentido, Feijóo aproveitou a súa participación no acto para felicitar o esforzo de todo o sector e a súa aposta pola calidade, que se ve reflectida nas boas cifras acadadas neste primeiro cuadrimestre do ano, en que a nosa comunidade recibiu a preto de 860.000 viaxeiros, un 7,3% máis que no mesmo período de 2015. “Estamos a falar do mellor cuadrimestre desde que empezou a crise, cun número de pernoctaciones que ascendeu a 1,5 millóns, e no tres sectores de demanda: tanto na demanda interna, que crece un 3,6%, como na demanda nacional (10,2%) e internacional (que crece un 4,3 %)”, dixo, subliñando tamén que de cada dez euros da economía galega un provén do turismo. Feijóo mostrouse convencido de que este pode ser un gran verán para o sector.

No acto de entrega das distincións Q de Calidade, ademais do presidente da Xunta, tamén estiveron presentes, entre outras autoridades, o presidente do ICTE, Miguel Mirones, a directora de Turismo de Galicia, Nava Castro, o delegado do Goberno en Galicia, Santiago Villanueva, ou o presidente do Clúster Turismo de Galicia, Francisco González.

24 de Maio de 2016
Entrega Q de Calidad 2016

Núñez Feijóo destaca o peso do sector turístico no conxunto da economía galego como “un dos alicerces básicos do edificio empresarial de Galicia”

O presidente da Xunta clausurou o acto de entrega das 274 Q de Calidade que Galicia acada en 2016, seis máis que o ano pasado “Sodes o […]
12 de Maio de 2016
playa

A Xunta informa os cambios normativos para a obtención da Q de Calidade en praias

En colaboración co Instituto para a Calidade Turística Española, Turismo de Galicia ofreceu unha sesión técnica informativa dirixida a todos os concellos costeiros galegos para dar […]
12 de Abril de 2016
Entrega SICTED Sanxenxo 2016

Novas distincións SICTED para Sanxenxo, que tamén fixo entrega dos seus propios premios de Calidade Turística

Un total de 43 empresas de Sanxenxo recibiron o seu distintivo SICTED, 17 delas por vez primeira, o que acredita a este concello pontevedrés como o […]
11 de Abril de 2016
atención al cliente

Formación para mellorar a atención ao cliente co Proxecto Anfitrións

En maio celébranse en Lugo até 20 sesións de formación para propietarios, mandos intermedios e persoal en contacto co cliente Dentro das actuacións contempladas no Plan […]