Baixo o lema “Eu practico turismofilia, e ti?”a Confederación Española de Federacións e Asociacións Profesionais de Guías de Turismo decidiu centrar este ano a súa mensaxe con motivo da celebración do Día Internacional do Guía de Turismo, o 21 de febreiro, na importancia do turismo para o conxunto da sociedade, o seu impacto e a súa capacidade para contribuír á conservación do patrimonio, os recursos naturais e as tradicións culturais.
En Galicia a Asociación Profesional de Guías de Turismo de Galicia ( Apit-Galicia) únese a esta celebración reflexionando sobre a importancia do turismo como motor económico no noso territorio e reclamando a profesionalización do guía e a posta en marcha dunha serie de boas prácticas que contribúan a manter o equilibrio entre a capacidade de acollida dun destino e os turistas que o visitan. Así, baixo o hashtag # turismofilia, APIT-GALICIA quere reivindicar a importancia deste sector e farao de novo con visitas gratuítas ao longo da xornada do 21 de febreiro en oito puntos de Galicia: Santiago, A Coruña, Lugo, Ourense, Pontevedra, Vigo, Ferrol e Ribeira Sacra. Todo o colleitado ese día entre as doazóns tras finalizar as visitas será doado a unha ONG.
Santiago de Compostela
Saídas ás 12:00 h e 16:00 h desde a Praza de Praterías para visitar a ciuda. Colecta en favor de Down Compostela.
A Coruña
Saídas ás 12.00 h (ruta da Cidade Vella) desde a estatuta de María Pita na praza do mesmo nome, e ás 17:00 h desde o Obelisco (ruta dos Xardíns). Colecta en favor de Afaco.
Ourense
Saídas desde os Xardíns Padre Feijoo ás 12:00 h (visita da cidade) e ás 17:00 h (Ourense termal). Colecta en favor da Asociación Diabética Auria.
Lugo
Saídas ás 12:30 e 16:30 h desde a Praza Maior (soportais do Concello) para visitar a cidade.
Pontevedra
Saída ás 11:00 h diante do Concello para visitar a cidade. Colecta en favor de Asociación ASSEII (Asociación de enfermidade inflamatoria intestinal).
Vigo
Saídas ás 12:00 h desde a entrada do Pazo Quiñones de León para visitar os seus contidos, e ás 17:00 h desde a estatua do Bañista (Rúa Cánovas del Castelo, 1) para a visita ao centro histórico e ensanche. Colecta en favor de Aldeas Infantís SOS Galicia
Ferrol
Saída ás 11:30 h desde a entrada ao Museo de Construción Naval para visitar os seus contidos. Colecta en favor da Cociña Económica Ferrol.
Ribeira Sacra
Saída desde Santo Estevo de Ribas de Miño ás 16:30 h (é preciso levar coche propio para os desprazamentos entre os monumentos para visitar). Ruta do Románico. Colecta en favor do Recuncho Solidario de Chantada.
Para grupos de máis de 8 persoas convén facer reserva indicando horario e ruta do seu interese mediante correo electrónico a info@guiasdegalicia.org.
19 de Febreiro de 2019
Dia Internacional Guia Turismo

A turismofilia centrará a celebración do Día do Guía Profesional do Turismo

Baixo o lema “Eu practico turismofilia, e ti?”a Confederación Española de Federacións e Asociacións Profesionais de Guías de Turismo decidiu centrar este ano a súa mensaxe […]
18 de Febreiro de 2019
iberian mice forum

Os Mice Iberian Forum volven a Coruña o próximo mes de xuño

A Coruña acollerá o próximo mes de xuño un dos Iberian MICE Forums que se celebrarán este 2019 en España e no que se darán cita […]
26 de Decembro de 2018
Jornadas Turismo Agroalimentario Lugo

A Deputación de Lugo aposta por desenvolver un turismo agroalimentario con experiencias de éxito

Representantes do turismo agroalimentario provincial, axentes turísticos, produtores, guías, expertos en comunicación, hostaleiros… déronse cita nas primeiras Xornadas de Turismo Agroalimentario que celebrou a Deputación de […]
19 de Decembro de 2018
apertura jornada

Un cento de profesionais participan na xornada de internacionalización da oferta turística en Pontevedra

Promovida polo CTG en colaboración coa Deputación de Pontevedra, a xornada incluíu relatorios sobre o proceso de internacionalización para as pemes turísticas e análises dos mercados […]