Co obxectivo de que os asociados do Clúster Turismo de Galicia poidan propor proxectos de interese para o desenvolvemento da promoción e mellora da comercialización do sector turístico galego, o CTG lanza unha nova edición do seu concurso de ideas. Para esta edición, o Clúster disporá dunha partida que ascende a 130.000 euros para o desenvolvemento destes proxectos, propostos polo asociados pero desenvolvidos polo Clúster Turismo de Galicia.

Como en ocasións anteriores o CTG abre un prazo de presentación destes proxectos até o próximo 28 de febreiro. A partir de aí, e analizados todos os proxectos valoraranse e elixiranse aqueles que se consideren os mellores para o seu desenvolvemento, tendo en conta os criterios de puntuación que se achegan nas bases do concurso nos que se inclúen o fomento da cooperación entre asociados e, como novidade, que todos os asociados participantes estean ao corrente do pago das súas cotas.

Ademais, este xoves, 6 de febreiro terá lugar na Cidade da Cultura de Galicia (Aula 2 da Biblioteca de Galicia ás 12,30h), unha xornada explicativa das bases da convocatoria dirixida a todos os asociados, co obxectivo de resolver as dúbidas que poidan xurdir. Se desexa asistir remita os seus datos de contacto a st@ctg.gal antes das 14h do mércores, 5.

Os proxectos deberán presentarse vía correo electrónico a st@ctg.gal

05 de Febreiro de 2020
concurso de ideas (1)

O Clúster Turismo de Galicia lanza unha nova edición do seu Concurso de Ideas para asociados

Co obxectivo de que os asociados do Clúster Turismo de Galicia poidan propor proxectos de interese para o desenvolvemento da promoción e mellora da comercialización do […]
04 de Febreiro de 2020
11,00 h.-       O conselleiro de Cultura e Turismo, Román Rodríguez, acompañado pola directora da Axencia Turismo de Galicia, Nava Castro, presentará en rolda de prensa Elixe Galicia, o novo programa para fomentar o turismo interno que abre este luns a súa convocatoria. Na Sala Eisenmann (Monte Gaiás, s/n).  
foto xoán crespo
03/02/2020

Aberta a convocatoria para solicitar praza no programa Elixe Galicia para o fomento do turismo interno

O DOGA recolle as resolucións e os formularios de solicitude para cada un do tres colectivos aos que se orienta o programa: jóves, familias con fillos […]
29 de Xaneiro de 2020
Presentación OPC Spain Fitur2020 Galicia MICE

Sustentabilidade e tecnoloxía, eixos do Congreso de OPC España, que se celebra en Galicia en febreiro

Os Organizadores Profesionais de Congresos presentaron en FITUR a celebración deste evento Sustentabilidade, seguridade, tecnoloxía, territorio e emoción son algúns dos puntos que se tratarán no […]
28 de Xaneiro de 2020
Presentación Xantar 2020

Xantar e Termatalia, achegan as súas próximas edicións en Fitur

Xantar presentouse como a única feira internacional de turismo gastronómico acreditada da Península Ibérica mentres que Termatalia iniciou coa súa presentación na caseta de Arxentina a […]