Actividades

O Parador Nacional de Baiona acolleu o congreso de turismo náutico europeo Galicia, Atlantic Destination, no que representantes dunha vintena de clubs e asociacións náuticas do vello continente debateron ao longo do fin de semana sobre a situación e retos de futuro dun sector que os participantes coindieron en destacar que ten un grandísimo potencial para converter a Galicia en referencia para os navegantes europeos.
Neste sentido, a directora de Turismo de Galicia, que inaugurou o evento, destacou que 8 de cada 10 barcos que navegan polas rías galegas proceden de Europa. “Galicia – dixo- conseguiu que as instalacións náuticas reciban cada ano un maior número de visitantes, e o esforzo débese centrar agora en aspectos máis cualitativos que cuantitativos”, destacaba pola súa banda o presidente de Portos de Galicia, José Juan Durán mentres que por parte do Monte Real Club de Iates, que organiza o evento da man de Turismo de Galicia, Portos de Galicia e o concello de Baiona, interveu o seu presidente, José Luís Álvarez para destacar que temos “unhas Rías navegables durante todo o ano, unha posición estratéxica para os tránsitos, e unha xente, cultura e gastronomía inigualables”.
Retos de futuro
Na sesión inaugural destacáronse as melloras rexistradas nos portos e mariñas de Galicia ao longo dos últimos anos, sendo hoxe unha importante oferta para toda Europa. No entanto, tamén se incidiu na necesidade de mellorar as conexións para chegar a Galicia en voos directos desde moitos dos países de orixe dos posibles tránsitos, e o feito de que nalgunhas mariñas o persoal apenas fale inglés.
Outras das accións de mellora que se expuxeron no congreso inciden na necesidade de implementar as infraestruturas e servizos complementarios aos portos e mariñas; e realizar unha mellor difusión das propostas turísticas para poder chegar ao maior número de persoas posible.
Os representantes da vintena de clubs e asociacións náuticas de toda Europa, procedentes Alemaña, Bélxica, Dinamarca, Francia, Irlanda, Países Baixos, Portugal e Reino Unido, tiveron ocasión tamén de coñecer de primeira man dúas das propostas que buscan impulsar o turismo náutico en Galicia: os minicruceros polas rías e o proxecto europeo Ecodestin, ademais de facer unha visita turística pola ría de Arousa.

30 de Outubro de 2017
Foto de familia GALICIA ATLANTIC DESTINATION - Foto © Rosana Calvo

Unha vintena de clubs e asociacións náuticas danse cita no Galicia Nautic Destination

O Parador Nacional de Baiona acolleu o congreso de turismo náutico europeo Galicia, Atlantic Destination, no que representantes dunha vintena de clubs e asociacións náuticas do […]
26 de Outubro de 2017
Ibernáutica 2017

Baiona acollerá en novembro a segunda edición de Ibernáutica orientada cara ao turismo sustentable

O Monte Real Club de Iates de Baiona, o Club Marítimo de Vigo e Asmar, co apoio da Secretaría Xeral de Turismo da Xunta de Galicia […]
24 de Outubro de 2017
Qué ver Galicia Turismo Familiar

O Selo Galicia Destino Familiar pon en marcha dúas novas ferramentas para dar a coñecer esta oferta especializada

A iniciativa, impulsada polo Clúster Turismo de Galicia, acaba de lanzar a nova web e a app na que se recolle a oferta especializada neste segmento […]
23 de Outubro de 2017
Camino de Santiago 02

Programa especial cheo de actividades para conmemorar o 30 aniversario do Camiño de Santiago como primeiro itinerario cultural europeo

Compostela acollerá ata o próximo 18 de novembro un completo programa composto por unha serie de seminarios, congresos e actividades con motivo da celebración do 30 […]