Actividades

Os profesionais da hostalaría lucense celebraron este ano a súa gala anual en Viveiro, no hotel Val do Naseiro nunha gala na que se fixo entrega dos galardóns que a Apehl outorga anualmente a hostaleiros cunha longa traxectoria profesional no sector e as persoas ou organismos que apoian incondicionalmente a difusión e promoción da gastronomía e turismo da rexión. O evento reuniu a máis de 150 hostaleiros chegados desde diversos puntos da provincia e contou coas intervencións da alcaldesa de Viveiro, María Loureiro; o presidente da Deputación Provincial, Darío Campos; o subdelegado do Goberno en Lugo, Ramón Carballo, e o delegado territorial da Xunta de Galicia en Lugo, José Manuel Balseiro. Tamén estiveron presentes outros representantes da sociedade e da política lucense e galega, entre eles a xefa da área Provincial de Turismo de Lugo, Pomba Vázquez; a concelleira de Turismo do Concello de Viveiro, María Soidade Rei; a secretaria da Mesa do Parlamento, Raquel Arias, a delegado da área de Turismo da Deputación de Lugo, Eduardo Vidal, e o secretario do Clúster Turismo de Galicia, Cesáreo Pardal.
O presidente da Asociación Provincial de Empresarios de Hostalaría e Turismo de Lugo (Apehl), Cheché Real, foi o encargado de entregar o premio de Embaixador Hostaleiro da Provincia 2018 a Iñaki Albistur, encargado nos últimos anos do catering da caseta de “E para comer, Lugo” na Volta Ciclista a España destacando o traballo levado a cabo durante eses anos, así como a súa amabilidade, xenerosidade e bo facer con todo o equipo durante todos estes anos.
Así mesmo, a asociación de hostaleiros lucenses tamén homenaxeou a traxectoria doutro tres persoas que dedicaron a súa vida á profesión. Recibiron os premios Toda unha vida nos fogóns Alberto García, do Restaurante Mesón de Alberto de Lugo, e Rosario Quelle e Manuel Balseiro, do Hotel Ego de Viveiro.
Cheché Real volveu lembrar o recente 40 aniversario da Asociación e destacou que “traballamos e seguiremos traballando neste sentido porque somos moitos os que loitamos día a día por este sector. E os 41 e seguintes non deben ser menos, todo o contrario”. A súa intervención rematou con agradecementos a todas aquelas institucións e organismos que colaboran de maneira incondicional coa Apehl e a todo o público pola súa asistencia á gala.

20 de Marzo de 2018
autoridades_premiados Gala Anual APHEL

A APEHL reune hostaleiros de toda a provincia na súa festa anual

Os profesionais da hostalaría lucense celebraron este ano a súa gala anual en Viveiro, no hotel Val do Naseiro nunha gala na que se fixo entrega […]
19 de Marzo de 2018
Agua de Galicia

A marca Auga de Galicia contribuirá a dar valor á orixe galega e a composición das augas minerais e termais galegas

“A auga é industria, riqueza, emprego e alimento”. Baixo esta máxima presentouse a marca Auga de Galicia nun acto que tivo lugar no balneario Termas de […]
14 de Marzo de 2018
logo_turismo

Proxectos aprobados no concurso de ideas para o seu desenvolvemento polo Cluster de Turismo de Galicia 2018

Tras unha valoración técnica realizada pola asistencia técnica do Clúster de Turismo de Galicia conforme aos criterios de valoración recollidos nas bases do concurso de ideas, […]
13 de Marzo de 2018
CartelNotasDeCataRutaFinalFB-960x675

As “Notas de Cata” inauguran a programación anual da Ruta do Viño Rías Baixas con degustación de viños, conservas e música

As sesións comezan o 16 de marzo en Pontevedra e chegarán ata O Porto nunha programación que este ano inclúe actividades formativas A Ruta do Viño […]