Actividades

O encontro, que se celebra os días 3, 4 e 5 de maio ábrese a distribuidores e ao enoturismo

Unha das celebracións máis antigas de Galicia, a Feira do Viño do Ribeiro, que este ano alcanza a súa 56ª edición, conta as horas para o arranque da súa nova edición, que terá lugar os próximos días 3, 4 e 5 de maio de 2019, no recinto da Alameda, en Ribadavia. Esta edición coa participación de 38 expositores, dous máis que o ano pasado, e tamén con algunhas novidades, entre as que destaca o RibeiroBUS.

O programa inclúe, ademais, talleres de cociña coa participación de destacados chefs como Lucía Freitas ou Alén Tarrío, profesionais da sumillería como Guillermo Cruz, distinguido como Mellor Catador de España en 2014, así como actuacións musicais e visitas guiadas pola contorna.

Viño e turismo volveranse a dar a man nesta celebración que ten aos viños do Ribeiro como protagonistas. Uns viños fortemente vinculados co territorio e cunha presenza cada vez maior no mercado, o que lles fixo merecedores de converterse nun referente fundamental do destino nunha cita moi consolidada que serve para “mellorar e dignificar o viño do Ribeiro”, tal e como expressaba o alcalde de Ribadavia, José Ignacio Gómez.

CRDO Ribeiro, Juan Casares, mencionaba que “sempre hai innovacións no programa de actividades da FVR, como o RibeiroBUS turístico, principal novidade nesta edición”. Tamén destacou que a Feira do Viño do Ribeiro debe ser unha festa de reivindicación do Ribeiro, para conseguir atraer a xente á zona para que a coñezan e consuman o viño alí, no propio territorio, porque non vai saber igual que se o beben noutro lugar.

Pódese consultar todo o programa e as actividades na web do evento www.feiravinoribeiro.com

30 de Abril de 2019
feira do viño 2019 con logos cartel din A3.cdr

Conta atrás para a Feira do Viño do Ribeiro

O encontro, que se celebra os días 3, 4 e 5 de maio ábrese a distribuidores e ao enoturismo Unha das celebracións máis antigas de Galicia, […]
27 de Abril de 2019
Golf, Destino Golf Galicia

Excelente comezo do VIII Circuíto de Golf Senior Turismo de Galicia en Valencia

O Parador do Saler acolleu o arranque desta proba coa participación dun cento de xogadores O campo do Saler, en Valencia, acolleu a primeira etapa de […]
26 de Abril de 2019
logo_turismo

Convocatoria do Concurso de ideas do Clúster Turismo de Galicia para asociados

Unha edición máis, o Clúster Turismo de Galicia convoca un concurso de ideas co obxectivo de seleccionar os 7 mellores proxectos e polos en marcha desde […]
25 de Abril de 2019
Jornada acluxega

O sector turístico galego profunda nas vantaxes da geotermia como alternativa enerxética sostible

O incremento da conciencia verde nos viaxeiros e a procura dun menor impacto ambiental fai que o sector mire con maior interese este tipo de sistemas […]