Actividades

Un total de 172 empresas do sector turístico galego foron as beneficiarias da convocatoria de axudas convocadas este ano pola Consellería de Cultura e Turismo, a través da Axencia de Turismo de Galicia, para a certificación da marca Q do Instituto para a Calidade Turística Española (ICTE), como así se publicou no Diario Oficial de Galicia.

Estas axudas supoñen un impulso para establecementos de turismo rural e hostaleiro, apartamentos e vivendas turísticas, campamentos, axencias de viaxes, cafetarías, bares, restaurantes e empresas de servizos complementarios no seu proceso de acreditación da súa excelencia turística.

O procedemento de concesión tramitouse en réxime de concorrencia competitiva e as axudas inclúen o impulso ás actuacións para a mellora da calidade mediante procesos de primeira certificación, seguimento e/ou renovación da marca Q de Calidade Turística do ICTE, correspondentes a 2018 e que se inicien a partir de 1 de xaneiro de 2018.

En concreto, estas axudas subvencionan os custos de auditoría externa de certificación, seguimento e/ou renovación do sistema facturados por entidade auditora acreditada polo ICTE e tamén os custos derivados dos dereitos de uso da marca Q no ano 2018, unha vez conseguida a certificación, o seguimento e/ou a renovación do establecemento, facturados polo ICTE ao establecemento.

Líderes en excelencia

Na súa aposta pola excelencia, a Consellería de Cultura e Turismo convocou estas axudas avanzando así en dúas direccións: na consolidación dun destino cada vez máis competitivo e no interese por ofrecer aos viaxeiros o mellor servizo posible como parte da vontade dos galegos por brindar sempre a mellor acollida aos que visitan a Comunidade galega.

Galicia lidera en España varios segmentos turísticos con máis Q de Calidade. En concreto, seis de cada dez instalacións náutico deportivas con Q de Calidade en España están en Galicia. No turismo rural, a metade dos establecementos de hospedaxe recoñecidos son galegos. O mesmo sucede cos servizos e infraestruturas de turismo industrial (46%), do turismo activo (37,5%) e cos balnearios (23%).

02 de Xaneiro de 2019
QdeCalidad

Cultura e Turismo apoiou a preto de 200 empresas galegas no seu proceso de certificación da Q de Calidade

Un total de 172 empresas do sector turístico galego foron as beneficiarias da convocatoria de axudas convocadas este ano pola Consellería de Cultura e Turismo, a […]
27 de Decembro de 2018
ganadores

A comunidade de Presume de Galicia entrega os seus premios a dous “presumidores” da Coruña e Baiona

Este ano a comunidade virtual creada para pór en valor o territorio especialmente entre os galegos superou o 110 mil usuarios Máis de 200 fotografías subíronse […]
26 de Decembro de 2018
Jornadas Turismo Agroalimentario Lugo

A Deputación de Lugo aposta por desenvolver un turismo agroalimentario con experiencias de éxito

Representantes do turismo agroalimentario provincial, axentes turísticos, produtores, guías, expertos en comunicación, hostaleiros… déronse cita nas primeiras Xornadas de Turismo Agroalimentario que celebrou a Deputación de […]
22 de Decembro de 2018
finca goleta turismo rural

Conclúe o ano cun total de 44 establecementos turísticos amparados baixo o selo Galicia Calidade Lecer

Desde que Galicia Calidade, a marca de garantía que certifica a calidade dos produtos e/ou servizos que, pola súa elaboración en Galicia, pola súa materia prima […]