Actividades

Desde a Xunta chaman a converter o Xacobeo 2021 na celebración global da mellor Galicia calidade ao longo de cinco xornadas de promoción

O espazo galego en Madrid estreou novo deseño cunha superficie de case 1.000 m2 na que están representadas provincias, cidades e geodestinos, ademais do espazo de traballo xestionado polo Clúster de Turismo de Galicia

Baixo a máxima de converter o Ano Santo na celebración global da mellor Galicia calidade, boa parte da presenza da Xunta e as súas presentacións viraron ao redor da celebración do próximo Xacobeo. A través de cinco xornadas de promoción na primeira gran cita co sector turístico, Fitur 2020, os representantes do Goberno autonómico expuxeron o avance da programación deseñada para o Xacobeo 2021, coas primeiras iniciativas xa en marcha, así como dos valores que inspiran as accións impulsadas pola Xunta, coa sustentabilidade e a participación como referentes. Neste sentido, explicaron que incluirá máis de 180 proxectos que contemplan preto de 8.000 actividades nos 313 concellos da Comunidade ás que se prevé que asistan máis de sete millóns de persoas. Os milleiros de visitantes e peregrinos que se esperan compartirán esta conmemoración cos galegos, que tras máis dunha década sen celebrar un Ano Santo ?miran ao futuro do novo ciclo xacobeo orgullosos do seu pasado?.

Toda Galicia en 1.000 m2
A propia caseta de Galicia en Fitur está centrado precisamente no Camiño de Santiago, con diferentes espazos dedicados á difusión de itinerarios ademais do chamado túnel do Camiño, que recrea as sensacións que un peregrino experimenta a través dun un percorrido inmersivo de sons, vídeo e imaxes e un mapa interactivo co dez itinerarios e un probador virtual con vestimentas e complementos propios dos peregrinos.

No renovado expositor, de case 1.000 metros cadrados, tamén están presentes elementos emblemáticos da cultura galega, como o pano propio do traxe tradicional, que viches parte da caseta a modo de fío condutor, ou a icónica cuncha de vieira en diferentes formatos, tratamentos e posicións. Está dividido en distintas zonas habilitadas para presentacións, reunións de traballo, degustacións e información e atención aos visitantes.

Aberto ao longo de cinco xornadas, o tres primeiras para profesionais e o fin de semana para o público, durante estes días desenvolvéronse máis de 40 presentacións e ofreceuse información en 16 espazos divulgativos nos que estiveron representados os principais elementos que caracterizan á nosa Comunidade como destino. Non faltaron os espazos dedicados ás cidades, provincias e geodestinos así como espazos destacados para as candidaturas a Patrimonio Mundial da Ribeira Sacra, Illas Cíes-Parque Nacional das Illas Atlánticas ou Ferrol da Ilustración, así como outros elementos destacados do noso turismo como o Entroido, o turismo rural, o turismo activo ou deportes como o surf e o mergullo e outro onde se ofreceu información dos produtos turísticos impulsados polo Clúster Turismo de Galicia, que volveu xestionar a área de traballo dirixida a profesionais co que volveu contar o espazo expositivo da caseta.

22 de Xaneiro de 2020
82870227_3146995108662259_6757783354063454208_n

O Camiño e o Xacobeo 2021, grandes protagonistas da presenza de Galicia en Fitur

Desde a Xunta chaman a converter o Xacobeo 2021 na celebración global da mellor Galicia calidade ao longo de cinco xornadas de promoción O espazo galego […]
22 de Xaneiro de 2020
20200123TraspasoEspañaVerde_1

Galicia asume a coordinación da España verde co obxectivo de potenciar o camiño como eixo vertebrador do norte peninsular

A marca turística integrada por Asturias, Cantabria, Galicia e País Vasco traballan para fixar liñas de traballo conxuntas e prioridades entre as que se sitúa a […]
22 de Xaneiro de 2020
foto presentacion cluster 01

Workshops e misións internacionais centran o calendario de accións do Clúster Turismo de Galicia en 2020

A entidade que aglutina ao 95% do sector turístico galego protagonizou unha das presentacións da primeira xornada Unha edición máis mantén a xestión do espazo de […]
20 de Xaneiro de 2020
Premio Q de Calidad ICTE Madrid 2019

O Clúster de Turismo de Galicia recibiu o Premio Q de Calidade Turística durante a celebración de Fitur

O Clúster Turismo de Galicia recibiu o Premio Q de Calidade Turística concedido polo Instituto para a Calidade Turística Española (ICTE) durante a celebración de Fitur, […]