Actividades

O campo asturiano da Barganiza foi a quinta e última proba para acceder á final que se celebrará en Mondariz en outubro

Un total de 103 xogadores procedentes de varias comunidades autónomas competiron para gañar o pase á gran final do VI Circuíto Golf Senior Turismo de Galicia que se celebrará o mes de outubro no campo de Mondariz. Nunha xornada onde a néboa á primeira hora da mañá ameazou o desenvolvemento normal da proba, os xogadores ao final puideron gozar dun bo día de golf en La Barganiza e, grazas a iso, conseguíronse uns moi bos resultados. O gañador absoluto da proba foi para o xogador de Castiello, Juan Carlos Tinturé con 33 puntos Scratch, seguido con 31 puntos por Juan José López Rodriguez do campo de golf da Llorea.
En categoría hándicap a gañadora foi a xogadora local Mª Piedade Díaz García con 43 puntos, seguido do seu compañeiro de club Carlos Paredes López con 38 puntos. O premio á mellor dama recaeu na xogadora local Carmen Losa Pérez-Curiel con 40 puntos e o mellor master sénior con 37 puntos gañouno Isabel D. Martínez Rodriguez con licenza do propio club anfitrión.
Os xogadores, ademais do agasallo de benvida, puideron gozar dun refrixerio típico galego e dunha degustación de produtos galegos de calidade despois da entrega de premios. O campo de Mondariz e o seu hotel balneario esperan aos gañadores e acompañantes na gran final da ponte do Pilar. Aqueles xogadores que non se puideron clasificar en ningunha das 5 probas, teñen a posibilidade de gozar dun torneo paralelo co mesmo programa que os finalistas.

08 de Xullo de 2016
ganadores La Bagariza Golf

Un centenar de golfistas pechan a rolda clasificatoria do Circuíto Senior Turismo de Galicia

O campo asturiano da Barganiza foi a quinta e última proba para acceder á final que se celebrará en Mondariz en outubro Un total de 103 […]
05 de Xullo de 2016
Tapasxgalicia ganadores

A mellor tapa de Galicia do certame De TapasxGalicia está en Pontevedra

A segunda edición do concurso De Tapas por Galicia proclamou aos cociñeiros do Cafetín de Pontevedra como os autores do mellor petisco de Galicia en 2016, […]
01 de Xullo de 2016
golf senior

La Barganiza e Basozabal acolleron senllas probas do VI Circuíto de Golf Senior Turismo de Galicia

Coa disputa da quinta etapa do Circuíto de Golf Senior Turismo de Galicia ao torneo réstalle tan só unha etapa, que se celebrará o vindeiro mes de outubro […]
30 de Xuño de 2016
Cluster WTM Londres

Aberto o prazo de inscrición para participar na próxima misión comercial á World Travel Market de Londres

O Clúster Turismo de Galicia volve organizar unha delegación para participar nesta feira profesional e manter contactos comerciais previamente axendados Até o 20 de xullo próximo […]