Unha edición máis o Clúster Turismo de Galicia volverá estar presente na cita nacional máis importante para o sector turístico, FITUR, que se celebrará en IFEMA Madrid do 18 ao 22 de xaneiro. Unha vez máis, a industria turísica galega estará presente, da man de Turismo de Galicia, e volverá organizarse o workshop HOSTED BUYERS, que terá lugar o xoves 19 e venres 20 de xaneiro nunha área especialmente habilitada para iso no pavillón 9. Un encontro comercial no que os asistentes poderán manter citas con compradores interacionales invitados e seleccionados por FITUR. Para a participación neste workshop o Clúster Turismo de Galicia dispón de 10 inscricións que se distribuirán entre os asociados que o soliciten ante deste venres, 18 de novembro ás 13h. Para a súa inscrición é necesario que remitan un correo electrónico a administracion@clusterturismogalicia.com manifestando o seu interese polo workshop e incluíndo os seus datos de contacto (nome, cargo, empresa, teléfono e correo electrónico).
En canto ao material promocional que se remitirá á feira, o prazo para facelo chegar aos almacéns de Turismo de Galicia é até o l20 de decembro, debendo ser enviado a portes pagos e embalado en caixas indicando:

Almacéns de Turismo de Galicia
Ref: FITUR 2017 / INDICAR REMITENTE
Estr. Santiago-Noia, km.3
15897 Santiago de Compostela
Teléfono de contacto dos almacéns: 981 542 540
Horario de entrega: luns a venres, de 8 a 15h

Con FITUR arrinca o calendario de feiras sectoriais e é unha das principais convocatorias para a industria turística a nivel mundial e a Feira líder para o ámbito iberoamericano. Esta nova edición arrinca coas mellores expectativas, sobre todo, considerando o positivo balance rexistrado na última convocatoria, celebrada o pasado mes de xaneiro, na que se alcanzou unha nova marca de participación na traxectoria de FITUR, cun total de 231.872 visitantes, incluídos 124.659 profesionais participantes (un 2% máis que en 2015), e 9.605 empresas presentes, procedentes de 165 países. Así mesmo, destacou unha vez, o gran número de encontros profesionais e de negocios, coa consecuente rendibilidade da Feira para os participantes. Todo iso, ademais, repercutiu en Madrid, xerando un impacto económico estimado en 210 millóns de euros.

15 de Novembro de 2016
fitur 2017

E despois da WTM… arrinca FITUR

Unha edición máis o Clúster Turismo de Galicia volverá estar presente na cita nacional máis importante para o sector turístico, FITUR, que se celebrará en IFEMA […]
09 de Novembro de 2016
P1020382

A misión comercial á World Travel Market conclúe con máis de 20 turoperadores británicos contactados

Os asociados mantiveron ao redor de medio centenar de encontros profesionais, entre os propiciados polo Clúster e os das súas propias axendas Conclúe a segunda misión […]
07 de Novembro de 2016
foto grupo

Arrinca a misión comecial do Cúster Turismo de Galicia á World Travel Market de Londres

A delegación inicia tres xornadas de traballo nas que manterá contactos con turoperadores para promover a internacionalización do destino Galicia Hoxe deu comezo a misión comercial […]
01 de Novembro de 2016
Camino de Santiago termal

Camiño de Santiago Termal, unha iniciativa de Balnearios de Galicia orientada ao descanso do peregrino

Co obxectivo de ofrecer un produto turístico especializado orientado a un nicho de mercado como poden ser os peregrinos “premium”, Balnearios de Galicia lanzou un novo […]