A Consellería de Medio Rural tamén acordou colaborar coa entidade ouresana na próxima edición de Vinis Terrae

O presidente do CRDO Monterrei, José Antonio Dá Silva e o director xerente de Expourense, Alejandro Rubín, ratificaron un ano máis de colaboración entre ambas as entidades, que se estreitará en eventos especializados no sector do viño como é o caso de Xantar ou Vinis Terrae. Precisamente nesta última, que se celebrará no recinto feiral ourensán o próximo mes de abril, a Consellería de Medio Rural tamén estará presente, segundo acordaron a directora xeral de Gandaría, Agricultura e Industrias Agroalimentarias, Belén do Campo co responsable de Expourense.

O convenio co D.O. Monterrei traducirase nunha presenza destacada en eventos especializados como Xantar, Salón Internacional de Turismo Gastronómico, onde o Consello Regulador organizou na edición pasada unha cata comentada e onde tamén se puideron coñecer os viños das distintas adegas adscritas no Túnel do Viño.A ratificación deste convenio, inclúe ademais o traballo conxunto nas distintas accións promocionais nacionais e internacionais que ambas as entidades realizan ao longo do ano. Deste xeito, o viño de Monterrei poderá promocionarse nas feiras internacionais ás que acode Expourense e viceversa.

Expourense e o CRDO Monterrei poderán colaborar ademais na organización de misión comerciais internacionais que teñan o obxectivo de promover os viños galegos. Este é un dos obxectivos de Vinis Terrae, o Salón do Viño e Licores Galegos de Calidade, previsto para os próximos días 3 e 4 de de abril onde Monterrei terá unha caseta e promoverá a participación nela das 25 adegas adscritas. Xunto a el tamén estará a Consellería de Medio Rural, que comprometeu a súa colaboración nun salón estritamente profesional, que reúne aos representantes das adegas do cinco denominacións de orixe galegas (Rías Baixas, Ribeiro, Valdeorras, Monterrei e Ribeira Sacra) e a compradores tanto nacionais como internacionais, para planificar a venda do viño galego nos diferentes mercados. Este ano Vinis Terrae se centará especialmente en mercados como o norteamericano e centroamericano, así como cos pertencentes aos países procedentes do centro e norte de Europa (mercados anglosaxón e nórdico, fundamentalmente).

16 de Febreiro de 2017
2017021318354074296

D.O Monterrei renova por un ano a súa colaboración con Expourense

A Consellería de Medio Rural tamén acordou colaborar coa entidade ouresana na próxima edición de Vinis Terrae O presidente do CRDO Monterrei, José Antonio Dá Silva […]
02 de Febreiro de 2017
inauguración Xantar

Xantar celebra a súa edición máis internacional con Panamá como país invitado

Máis de 200 actividades enogastronómicas converten a Xantar nunha cita anual imprescindible coa gastronomía. O Salón Internacional do Turismo Gastronómico, que se celebra en Ourense entre […]
25 de Xaneiro de 2017
ITB Berlin

Aberto o prazo para participar na misión comercial á ITB Berlin

Pechada a primeira das grandes citas feiras do ano, o Clúster Turismo de Galicia áchase inmerso na preparación da misión comercial á Feira Internacional de Turismo […]
23 de Xaneiro de 2017
mesas de trabajo Fitur 2017

O espazo de traballo do Clúster Turismo de Galicia en Fitur xestionou máis de 300 encontros profesionais

As 12 mesas de traballo xestionadas na caseta galega foron punto de encontro para quen se achegaba a solicitar información sobre Destino Galicia O Salón Internacional […]