As 200 experiencias que ofrecía o salón foron seguidas por máis de 7.000 asistentes

Xantar pechou portas con máis de 24 mil visitantes, cifras que o sitúan como un gran punto de encontro internacional para o turismo e a gastronomía. Con 273 expositores, 15 restaurantes e 20 menús e ofrecendo máis de 200 experiencias para “vivir Xantar”, a única feira internacional especializada en turismo gastronómico de España conclúe despois de cinco xornadas de intensa actividade que estiveron dirixidas a estreitar as relacións de cooperación transfronteiriza entre Galicia e Portugal, e iberoamericana a través da participación activa de Panamá e da presenza de profesionais e chefs de Costa Rica, México e Estados Unidos. Portugal, país invitado, foi o gran protagonista desta cita na que demostrou por que foi elixido como o Mellor destino turístico do Mundo nos World Travel Awards. Xantar 2018 volveu a contar coa fidelidade dos profesionais do sector e tamén do público xeral procedente tanto de Galicia como de Portugal e de provincias limítrofes, o que cumpre o obxectivo do salón de fomentar o turismo de proximidade a través da gastronomía.

A clausura desta 19ª edición correu a cargo da conselleira de Medio Rural, Anxos Vázquez, que estivo acompañada pola directora da Axencia Galega de Turismo, Nava Castro, e o alcalde de Ourense, Jesús Vázquez. A conselleira indicou que “Xantar é unha oportunidade magnífica para dar a coñecer os produtos galegos, xa que aquí está representada toda a cadea de produción, desde o produtor ata o hostaleiro e cociñeiro pasando pola industria alimentaria”. Indicou ademais que se trata de “un referente internacional e un exemplo de cooperación transfronteiriza e iberoamericana”. Pola súa banda, Nava Castro explicou que “a gastronomía é xa un reclamo turístico en se mesmo pero tamén un complemento perfecto para outros recursos turísticos” e indicou que a Xunta aprobará en breve o seu Plan de Enogastronomía.

O programa de actividades de Xantar 2018 presentou máis de 200 experiencias gastronómicas repartidas en tres aulas gastronómicas e unha de cata, cunha media de catro actividades por hora de duración do salón, que foron seguidas por máis de 7.000 participantes, no seu maior parte profesionais do sector. Este programa incluíu exhibicións de cociña en directo na que participaron recoñecidos chefs de Galicia, Portugal, Panamá, Costa Rica, México e Estados Unidos e nas que se puxeron en valor os produtos autóctonos e de calidade. Outra das actividades que espertaron o interese dos profesionais foron as máis de 25 catas comentadas de produtos como o viño, licores, queixos, mel, ron ou café. Hai que engadir as máis de 50 degustacións ofrecidas polos expositores como as da raia con queixo e viño de Amandi de Sober ou o Botelo do Barco de Valdeorras, por citar algunhas das organizadas para esta xornada de clausura.

06 de Febreiro de 2018
clausura xantar 2018

Xantar 2018 pecha a súa 19ª edición con 24.000 visitas como a única feira internacional especializada en turismo gastronomómico de España

As 200 experiencias que ofrecía o salón foron seguidas por máis de 7.000 asistentes Xantar pechou portas con máis de 24 mil visitantes, cifras que o […]
30 de Xaneiro de 2018
presentacion xantar

Máis de 200 actividades enogastronómicas e turísticas e 12 países representados en Xantar 2018

A piques de abrir as súas portas, entre o 31 de xaneiro e o 4 de febreiro, o Salón Internacional de Turismo Gastronómico ofrécelle ao visitante […]
25 de Xaneiro de 2018
ITB-Berlin mision comercial

Aberto prazo para participar na misión comercial á ITB Berlín

O Clúster de Turismo de Galicia está a preparar unha misión comercial á feira internacional de turismo ITB Berlín, que terá lugar do 7 ao 11 […]
23 de Xaneiro de 2018
GRAF4562. SANTIAGO DE COMPOSTELA, 22/01/2018.- La directora de Turismo de Galicia, Nava Castro (i), presenta en rueda de prensa el balance de la participación de Galicia en Fitur, acompañada por el presidente del Clúster de Turismo de Galicia, Francisco González, esta mañana en Santiago de Compostela. EFE/Lavandeira jr

Máis de 76.000 persoas achegáronse a coñecer a oferta turística galega na caseta de Galicia en Fitur

A directora de Turismo de Galicia, acompañada do presidente do Clúster de Turismo de Galicia, fixeron balance da participación na primeira das citas internacionais do sector […]