Termatalia Brasil 2018 celebrarase entre o 12 e o 14 de setembro no Centro de Convencións Mestra do Hotel Recanto Cataratas de Foz do Iguaçu baixo a lema “A Enerxía das Augas”. Estas novas datas supoñen un adianto dunha semana con respecto ás que se fixeron públicas ao comezo da promoción desta edición e ten o obxectivo de desconcentrarla e separala no tempo duns días intensa actividade de eventos en Foz do Iguaçu. A celebración da feira entre o 12 e o 14 de setembro permitirá prestar mellor servizo aos profesionais que participen en Termatalia e facilitará as conexións aéreas ata a cidade sede desde os máis de 25 países que está previsto participen na feira. O Centro de Convencións Mestra do Hotel Recanto Cataratas é un espazo moderno e equipado da última tecnoloxía para a organización de calquera tipo de evento.
Tanto o cambio de datas como o lugar de celebración da feira foron anunciados en Brasil nun acto no que estiveron presentes representantes de Termatalia e autoridades e representantes da sede na que se desenvolverá o evento. Un acto no que tamén se presentou o cronograma de actividades da “Semana Termatalia” na que se organizarán accións profesionais desde o día 10 ata o 15 de setembro (aínda que a feira en se se celebrará os días 13 e 14 de setembro). O cronograma sería o seguinte:
– Días 10 e 11 de setembro: Cursos de capacitación profesional.
– Día 12 de setembro: Xornada de apertura do XIII Encontro Internacional sobre Auga e Saúde.
– Días 13 e 14 de setembro: celebración da Feira Internacional de Turismo de Saúde e Benestar Termatalia Brasil 2018. Durante estes días celebrarase o Workshop de Turismo de Saúde – Bolsa de Contratación Turística e continuará o XIII Encontro Internacional sobre Auga e Saúde.
– Día 15 de setembro: Rutas termais e Networking.
A elección de Brasil como sede estivo liderada polo Fondo Iguazú de Desenvolvemento e Promoción Turística e a Prefeitura de Foz do Iguaçu e está apoiada polas principais entidades públicas e privadas vinculadas ao turismo nesta rexión e tamén no país (Estado de Paraná e o propio Ministerio de Turismo de Brasil) para situala a nivel internacional, tamén como destino termal. Termatalia Brasil 2018 conta ademais con compromiso da Itaipú Binacional, a central hidroeléctrica máis grande do mundo en xeración de enerxía limpa e renovable.

28 de Febreiro de 2018
Termatalia Brasil

Termatalia Brasil 2018 atrasa unha semana a súa cita en Foz de Iguaçu e celebrarase do 12 ao 14 de setembro

Termatalia Brasil 2018 celebrarase entre o 12 e o 14 de setembro no Centro de Convencións Mestra do Hotel Recanto Cataratas de Foz do Iguaçu baixo […]
21 de Febreiro de 2018
biocultura

ExpoCoruña acollerá en marzo BioCultura, a feira de produtos ecolóxicos por excelencia do estado español

Do 2 ao 4 de marzo a maior feira de produtos ecolóxicos de España, Biocultura, chega a Galicia, en concreto a ExpoCoruña onde se reunirán 200 […]
12 de Febreiro de 2018
BTL-2018

A BTL de Lisboa celebrarase do 28 de febreiro 4 de marzo

Coincidindo coa celebración do seu trixésimo aniversario, a Feira de Turismo de Lisboa, BTL, celebrarase do 28 de febreiro ao 4 de marzo nas instalacións da […]
09 de Febreiro de 2018
feria KLM

A oferta turística galega estará presente en 2018 en 38 feiras nacionais e internacionais

As citas internacionais case duplican ás nacionais, con caseta propia en sete delas A oferta turística galega estará presente a través da Axencia de Turismo de […]