ASNAUGA representou á náutica deportiva Galega no Salón Náutico Internacional de Paris, que se celebrou na capital francesa o 7 ao 11 de decembro, onde representantes de Asnauga acudiron ao Salón Náutico de París para promocionar o deporte e turismo náutico galego. Durante estes días Ramón Acuña, membro da directiva de Asnauga, acompañado da Directora de Turismo de Galicia Nava Castro e a presidenta de Portos de Galicia Susana Linguas, así como doutros representantes de Asnauga, mantiveron máis de 12 reunións con medios de comunicación, empresas de Chárter e asociacións náuticas francesas para presentar a oferta deportiva e de instalacións portuarias desta entidade e de Galicia en xeral na Caseta que Turismo de Galicia e Portos de Galicia instalaron nesta feira.

Cabe destacar que os portos deportivos de Galicia recibiron o pasado ano máis de 10.000 embarcacións recreativas, segundo os datos facilitados pola Xunta. Francia é o sexto país do que máis embarcacións recreativas chegan á comunidade autónoma, só por detrás de Portugal, Alemaña, Estados Unidos, Italia e Reino Unido. Os 73.000 viaxeiros procedentes de Francia que atracaron os seus barcos nos portos deportivos galegos pasaron un total de 121.000 noites.

O Salón Náutico Internacional de París é o acontecemento náutico máis importante que se celebra en Francia e unha das grandes referencias do deporte e turismo náutico no mundo, e marca o comezo da tempada de actividades turísticas náuticas. Na pasada edición, o evento contou con máis de 206.000 visitantes, asentado sobre unha superficie de máis de 300.000 metros cadrados. De igual forma, foron máis 800 os expositores que participaron neste evento en 2018. Durante o transcurso da feira ten lugar un nutrido programa de conferencias, impartidas por expertos no sector náutico ou representantes de oficinas de turismo e entidades relacionadas co mesmo.

11 de Decembro de 2019
asnauga paris 19

A asociación de Clubs Náuticos de Galicia (ASNAUGA), presente no Salón Náutico Internacional de París

ASNAUGA representou á náutica deportiva Galega no Salón Náutico Internacional de Paris, que se celebrou na capital francesa o 7 ao 11 de decembro, onde representantes […]
25 de Novembro de 2019
feria Turismo de Galicia

Participación da administración e do sector turístico galego nas feiras IBTM World de Barcelona e INTUR en Valladolid

O destino turístico Galicia estivo presente en dous das últimas feiras sectoriais especializadas que se celebran en España: IBTM World de Barcelona, especializada no turismo MICE […]
20 de Novembro de 2019
75247383_2829367523748091_4078829651013664768_o

Valladolid acolle unha nova edición da Feira Internacional do Turismo de Interior, Intur, con Portugal como país invitado

Do 21 ao 24 de novembro participarán 300 expositores nacionais e internacionais e desenvolverase unha bolsa de contratación, Intur Negocios, na que volverá estar presente a […]
18 de Novembro de 2019
sportur balance

Sportur Galicia pecha a súa terceira edición con máis de 10 mil visitantes e máis de 60 actividades

A feira especializada en turismo deportivo puxo en valor unha vez máis as distintas opcións deportivas que poden formar parte dun estilo de vida saudable á […]