O informe do Spain Convention Bureau (SCB) recolle que o ano pasado o noso país albergou case 5 mil congresos que supuxeron algo máis de 6.100 millóns de euros de facturación, un 3,38% máis que en 2016 e moveron a preto de 1,3 millóns de persoas, un 17,93% máis que o ano pasado. Estas cifras permitiron que España superase por vez primeira a cifra dos 6.000 millóns de euros de facturación, cifra que nos sitúa como o cuarto país do mundo neste sector, por detrás de Estados Unidos, Alemaña e Reino Unido. Cabe destacar tamén que en 2017 celebráronse nas cidades asociadas ao SCB case 25.000 reunións, o que supón un lixeiro descenso (-0,61%) sobre o ano anterior. A entidade, dependente da Federación Española de Municipios e Provincias (FEMP), agrupa actualmente a 56 destinos de congresos que supoñen o 85% da oferta MICE española.

No devandito informe, Madrid e Barcelona seguen á cabeza do país en número de convencións, co 43% do total entre ambas, mentres que un 28% distribúese entre cidades medianas (cabe lembrar que Barcelona foi a cidade do mundo que máis congresos internacionais acolleu o ano pasado, mentres Madrid situouse en sétima posición, segundo o ranking da International Congress and Convention Association (ICCA).

Un de cada tres eventos celébrase nun palacio de congresos.
Os encontros médicos e sanitarios constitúen o sector que máis tira dos congresos. Representaron un de cada cinco eventos (o 21% do total), seguidos de preto polas convencións de ámbito económico e comercial, que foron o 20%. En canto á estacionalidade, o informe do Spain Convention Bureau detalla que a tempada de congresos estendeuse a sete meses, con maio, setembro, outubro e novembro como meses máis demandados polos organizadores.

Doutra banda, o informe conclúe que un de cada tres eventos deste tipo celébrase nos palacios de congresos (o 32,5%) e aloxa aos seus participantes maioritariamente en hoteis de catro estrelas. O informe presentouse no marco da celebración da Asemblea Xeral do Spain Convention Bureau que tivo lugar en Las Palmas de Gran Canaria, un destino que o seu propio alcalde destacou que debe apostar por este tipo de sector, o do turismo de reunións que interesa a cidades e que é necesario seguir apostando polo seu crecemento de forma coordinada, creando rede entre cidades.

23 de Xullo de 2018
Asamblea General SCB MICE España

España sitúase na cuarta posición mundial en turismo de congresos

O informe do Spain Convention Bureau (SCB) recolle que o ano pasado o noso país albergou case 5 mil congresos que supuxeron algo máis de 6.100 […]
06 de Xullo de 2018
world-trails-conference-2018-logo

Un congreso internacional reunirá en Galicia ás mellores rutas culturais, ecolóxicas e de peregrinación do cinco continentes

O modelo de xestión do Camiño de Santiago na Comunidade centrará varios dos relatorios da cita bianual da rede mundial de vías e carreiros World Trail […]
15 de Novembro de 2017
fairway

A segunda edición de Fairway abordou de forma global e transversal o fenómeno do Camiño de Santiago reunindo aos axentes e profesionais que traballan ao redor das súas rutas

O Palacio de Congresos e Exposicións de Galicia viviu do 12 ao martes 14 un evento que sumou congreso, feira e workshop con turoperadores internacionais A […]
26 de Outubro de 2017
Ibernáutica 2017

Baiona acollerá en novembro a segunda edición de Ibernáutica orientada cara ao turismo sustentable

O Monte Real Club de Iates de Baiona, o Club Marítimo de Vigo e Asmar, co apoio da Secretaría Xeral de Turismo da Xunta de Galicia […]