Actividades Destacadas

O curso desenvolverase nunha semana intensiva na Veiga, Ourense, do 11 ao 15 de xullo

Entre o 11 e o 15 de xullo o Centro de Estudos e Investigacións Turísticas da USC (CETUR) organiza na Veiga (Ourense) o VII Curso de Formación para Informadores de Oficinas de Turismo e Guías que por vez primeira realízase fóra de Santiago de Compostela. A edición deste ano, focalizado no turismo na natureza, abordará temas como as empresas de turismo activo en Galicia, o turismo deportivo en montaña ou en espazos naturais protexidos, as paisaxes, o potencial climático turístico galego, o ecoagroturismo, o deseño de rutas de sendeirismo, os folletos ou as novas tecnoloxías no sector. O obxectivo é profundar nas posibilidades múltiples, tanto prácticas como empresariais, que ofrecen o sendeirismo, o montañismo e o guiado como actividades específicas de turismo na natureza en Galicia. Mostraranse deste xeito as peculiaridades dese subsector turístico e daranse a coñecer os recursos culturais existentes no territorio ademais de transmitirlle ao alumnado unha serie de habilidades interpretativas e prácticas, nomeadamente en relación co manexo de novas tecnoloxías da información e de cartografía.

O curso, cuxo prazo está aberto até o 30 de xuño ou até esgotar prazas, desenvolverase en sesións intensivas de mañá e tarde, o que permitirá concentrar as aulas nunha única semana e así desenvolver 15 horas de prácticas nas Montañas de Trevinca, o sector máis elevado de Galicia e, por tanto, a única área de alta montaña do país, a través do seguimento e análise de rutas de sendeirismo sobre o terreo. As persoas inscritas recibirán o correspondente certificado, homologado pola Xunta de Galicia, para o que é obrigatorio asistir como mínimo ao 85% das horas programadas. Para ampliar información ou realizar inscricións podedes porvos en contacto con CETUR no correo cetur@usc.es ou no teléfono 881 816 339

Consulta o programa do curso

 

28 de Xuño de 2016
curso cetur a veiga

CETUR celebra por vez primeira o seu curso de formación para informadores e guías turísticos fóra de Compostela

O curso desenvolverase nunha semana intensiva na Veiga, Ourense, do 11 ao 15 de xullo Entre o 11 e o 15 de xullo o Centro de […]
22 de Xuño de 2016
Asamblea General Cluster Junio 2016

Dúas novas entidades únense ao Clúster Turismo de Galicia

Continuando o ronsel de traballo colaborativo e de apertura para seguir unindo entidades ao Clúster Turismo de Galicia, a Asemblea Anual do CTG, celebrada na Cidade […]
16 de Xuño de 2016
imagotipo_turismo_galicia1

Proxectos aprobados no Concurso de Ideas para o seu desenvolvemento polo Clúster Turismo de Galicia 2016

Tras unha valoración técnica realizada pola asistencia técnica do Clúster de Turismo de Galicia conforme aos criterios de valoración recollidos nas bases do concurso de ideas, […]
15 de Xuño de 2016
Compostela Destino 5 estrellas

Hostelería de Compostela xuntamente coa Fundación Cidade da Cultura e o Clúster Turismo de Galicia lanzan o proxecto Compostela Destino 5 Estrelas

O proxecto persigue a promoción e desestacionalización turística de Santiago de Compostela durante a primeira quincena de xullo. Ofertarase un pack turístico para estancias de dúas […]