Actividades Destacadas

Continuando o ronsel de traballo colaborativo e de apertura para seguir unindo entidades ao Clúster Turismo de Galicia, a Asemblea Anual do CTG, celebrada na Cidade da Cultura de Compostela aprobou, entre outros asuntos, a adhesión de dúas novas entidades ao colectivo: a Asociación Galega de Albergues Privados (AGALBER) e a Asociación Profesional do Sector Turístico dá Costa da Morte (APTCM Costa da Morte) que pasan a integrarse con dereito no Clúster Turismo de Galicia, que queda así integrado por un total de 54 entidades.

Durante a Asemblea Xeral, aberta a todos os asociados, tamén se fixo balance de actuacións en 2015, principalmente vinculada ao desenvolvemento dos convenios asinados con Turismo de Galicia, que permitiron o desenvolvemento do propio Clúster, a execución do PITGA, as actividades vinculadas á promoción da oferta turística galega (presenza en feiras profesionais nacionais e internacionais) así como a continuación pola aposta pola Q de Calidade. Ademais, o encontro anual que celebra esta entidade serviu tamén para dar conta do plan de actividades de 2016, orientado a seguir traballando para ofrecer servizos de valor engadido ás empresas asociadas ao Clúster Turismo de Galicia, ademais de continuar coa colaboración establecida coa Admministración pública en materia de desenvolvemento e promoción de Galicia como destino turístico único e multiexperiencial.

Proxectos en 2016

Neste sentido, para o 2016 está previsto que continúe o desenvolvemento do PITGA e o convenio para o desenvolvemento da Q de Calidade, ao que se une tamén a aposta pola marca Galicia Calidade como “o gran selo do noso sector no traballamos xa este ano para poder incorporar novos sectores, como o rural, as mariñas ou os palacios de congresos, para que tamén poidan optar a esta certificación”, explicou o presidente do Clúster Turismo de Galicia, Francisco González, que fixo fincapé na importancia de que Turismo de Galicia haxa encomedado ao CTG a elaboración do PETGA, o Plan Estratéxico do Turismo de Galicia, un verdadeiro reto de futuro no que xa se está traballando para implicar a todo o conxunto do turismo en Galicia.

Ademais, no encontro anual tamén se deu conta dos proxectos que o Clúster de Turismo vai á levar a cabo durante este ano en colaboración cos seus asociados como consecuencia do concurso de ideas. En total executaranse 8 proxectos, que inclúen desde a creación e a posta en marcha de novas vías de comercialización de novos produtos até a creación dunhas marcas turística que agrupe toda a oferta enoturística, a posta en marcha de oferta complementaria para o turismo rural ou a promoción de viaxes de familiarización, entre outras propostas.

22 de Xuño de 2016
Asamblea General Cluster Junio 2016

Dúas novas entidades únense ao Clúster Turismo de Galicia

Continuando o ronsel de traballo colaborativo e de apertura para seguir unindo entidades ao Clúster Turismo de Galicia, a Asemblea Anual do CTG, celebrada na Cidade […]
16 de Xuño de 2016
imagotipo_turismo_galicia1

Proxectos aprobados no Concurso de Ideas para o seu desenvolvemento polo Clúster Turismo de Galicia 2016

Tras unha valoración técnica realizada pola asistencia técnica do Clúster de Turismo de Galicia conforme aos criterios de valoración recollidos nas bases do concurso de ideas, […]
15 de Xuño de 2016
Compostela Destino 5 estrellas

Hostelería de Compostela xuntamente coa Fundación Cidade da Cultura e o Clúster Turismo de Galicia lanzan o proxecto Compostela Destino 5 Estrelas

O proxecto persigue a promoción e desestacionalización turística de Santiago de Compostela durante a primeira quincena de xullo. Ofertarase un pack turístico para estancias de dúas […]
23 de Maio de 2016
turespazo

Turespazo entra en período de probas para a súa optimización e coñecemento entre o sector turístico galego

Es un profesional ou unha empresa turística? Se é así interésache coñecer #Turespazo, a rede privada coa que a Xunta de Galicia dotou ao sector turístico […]