Actividades Destacadas

Máis de 200 actividades enogastronómicas converten a Xantar nunha cita anual imprescindible coa gastronomía. O Salón Internacional do Turismo Gastronómico, que se celebra en Ourense entre o 1 e o 5 de febreiro alcanza nesta edición a súa maioría de idade na súa edición máis internacional, con expositores procedentes de 11 países e con Panamá como país invitado. Expourense convértese así até o domingo no epicentro da enogastronomía e o turismo reunindo a 232 expositores (un 10% máis que na edición anterior) procedentes de España, Portugal, Costa Rica, México, Ecuador, Paraguai, Francia, Perú, Cuba, Arxentina e Panamá que como país invitado, participa cunha importante delegación de profesionais de preto de 40 persoas entre chefs, representantes do goberno e empresarios hostaleiros.

Entre o obxectivo de promocionar un destino a través dá gastronomía levou á organización a crear o “I Workshop de Turismo Gastronómico” no que participarán operadores de turismo que asistirán á presentación e manterán reunións B2B con representantes dos distintos destinos enogastronómicos presentes.

Ademais, Xantar 2017 conta cun total de 15 restaurantes de diferentes países e comunidades limítrofes como Asturias e Castela e León, ademais da propia gastronomía galega que no seu conxunto ofrecen 21 menús con prezos entre os 14 e os 30 euros que presentan produtos autóctonos e de calidade, ademais de menús especiais.

Catas e showcooking
A programación de Xantar complétase coas catas e showcookings que se celebran no tres aulas gastronómicas, ademais dunha aula de cata, un Túnel do Viño e, como novidade, o Túnel do Queixo onde estarán presentes unha mostra dos premiados na última Cata de Queixos de Galicia organizada pola Xunta de Galicia.
O programa de showcookings complétase con actividades paralelas como o IV Encontro de Bloggers Gastronómicos e Turísticos no que participan máis de 20 bloggers de toda a Península ou o Encontro Internacional de Confrarías que volverá reunir a máis de 40 entidades de varios países.

02 de Febreiro de 2017
inauguración Xantar

Xantar celebra a súa edición máis internacional con Panamá como país invitado

Máis de 200 actividades enogastronómicas converten a Xantar nunha cita anual imprescindible coa gastronomía. O Salón Internacional do Turismo Gastronómico, que se celebra en Ourense entre […]
27 de Xaneiro de 2017
viviendas

Satisfacción no Clúster Turismo de Galicia pola aprobación do Decreto de Regulación das Vivendas de Uso Turístico

A norma inclúe, ademais, modificacións na regulación dos apartamentos e vivendas turísticas O Clúster Turismo de Galicia como entidade que agrupa ao 95% do sector turístico […]
25 de Xaneiro de 2017
ITB Berlin

Aberto o prazo para participar na misión comercial á ITB Berlin

Pechada a primeira das grandes citas feiras do ano, o Clúster Turismo de Galicia áchase inmerso na preparación da misión comercial á Feira Internacional de Turismo […]
23 de Xaneiro de 2017
Feijoo en Fitur 2017

Feijóo avanza as directrices para o Plan Estratéxico do Turismo 2017-2020

O presidente da Xunta fixo a súa intervención no Día de Galicia en Fitur Tras facer balance dun ano cheo de marcas na chegada de turistas […]