Actividades Destacadas

A norma inclúe, ademais, modificacións na regulación dos apartamentos e vivendas turísticas

O Clúster Turismo de Galicia como entidade que agrupa ao 95% do sector turístico galego felicítase polo anuncio da Xunta de Galicia da aprobación do Decreto de ordenación dos apartamentos turísticos, vivendas turísticas e vivendas de uso turístico que fixo público o Consello da Xunta de hoxe e no que a principal novidade é a creación da categoría de vivendas de uso turístico, que permitirá amparar este tipo de aloxamentos dentro do sector turístico.

“Desde o conxunto do sector sempre defendemos a necesidade de que toda a oferta de aloxamentos estea regulada”, explica o presidente do Clúster de Turismo de Galicia, Francisco González, que lembra que “esta normativa foi redactada e consensuada co sector turístico e permitirá ao segmento das vivendas de uso turístico beneficiarse das sinerxías do conxunto do sector e das canles de comercialización turística dos que até agora estaban excluídos”, explicou.

Neste sentido, o presidente do Clúster lembrou que esta normativa vén por fin a ofrecer un marco legal a unha oferta turística existente e en crecemento, pero que até agora non tiña ningún marco turístico legal. “A nova normativa permitirá agora que todo aquel que queira participar nas canles turísticas póidao facer, contribuíndo a crear unha oferta regulada e de calidade que nos beneficia a todos, porque o turismo somos todos e debemos traballar conxuntamente”.

A normativa adáptase así ás novas realidades do mercado turísticos, garantindo tanto a calidade e a seguridade dos usuarios que opten por este tipo de aloxamento, como a igualdade de condicións coas outras tipoloxías de establecementos, como os apartamentos turísticos ou as vivendas turísticas, que xa estaban lexisladas.

Coa posta en marcha da figura das “vivendas de uso turístico” dáselle un amparo legal a aquelas empresas ou particulares que desexen comercializar o seu aloxamento como turístico (en portais tipo Booking) e vén aclarar definitivamente os diferentes modelos de negocio, dando opción a que se arrende este tipo de aloxamentos dentro do arrendamento de vivenda de uso particular, como até agora ou dentro das canles turísticas, que até agora lle eran alleos, pero sempre dentro dunha oferta regulada que atalle algúns dos problemas que se asocian ás prácticas de aluguer de vivendas particulares para usos turísticos como a competencia desleal ou a falta de transparencia fiscal.

Cabe lembrar tamén que o Decreto establece, ademais da regularización das vivendas de uso turístico, novidades en canto ao ordenamento dos apartamentos turísticos e as vivendas turísticas, introducindo modificacións suxeridas polo sector e adaptadas ás realidades do sector, circunstancia que fai que este Decreto sexa recibido con satisfacción por parte do conxunto do sector turístico.

Consulta o texto definitivo do DECRETO 12/2017, do 26 de xaneiro

27 de Xaneiro de 2017
viviendas

Satisfacción no Clúster Turismo de Galicia pola aprobación do Decreto de Regulación das Vivendas de Uso Turístico

A norma inclúe, ademais, modificacións na regulación dos apartamentos e vivendas turísticas O Clúster Turismo de Galicia como entidade que agrupa ao 95% do sector turístico […]
25 de Xaneiro de 2017
ITB Berlin

Aberto o prazo para participar na misión comercial á ITB Berlin

Pechada a primeira das grandes citas feiras do ano, o Clúster Turismo de Galicia áchase inmerso na preparación da misión comercial á Feira Internacional de Turismo […]
23 de Xaneiro de 2017
Feijoo en Fitur 2017

Feijóo avanza as directrices para o Plan Estratéxico do Turismo 2017-2020

O presidente da Xunta fixo a súa intervención no Día de Galicia en Fitur Tras facer balance dun ano cheo de marcas na chegada de turistas […]
19 de Xaneiro de 2017
presentacion grupo

Clúster Turismo de Galicia presentou ambos os proxectos na caseta de Galicia en Fitur As dúas marcas, postas en marcha o ano pasado, continuarán o seu desenvolvemento en 2017 para mellorar a comercialización da oferta turística 19 de xaneiro 2017.- Concibidas co obxectivo de mellorar a comercialización e a especialización do Destino Galicia as marcas Enoturismo Galicia e Galicia, Destino Familiar tiveron o seu espazo no programa de presentacións da caseta de Galicia en Fitur. Ambos os proxectos, impulsados no marco do concurso anual de ideas que pon en marcha o Clúster de Turismo de Galicia entre os seus asociados, foron creados co obxectivo de impulsar unha maior especialización da oferta turística galega, contribuíndo a impulsar entre os seus usuarios potenciais a oferta que Galicia aglutina tanto en materia enoturística como vinculada ao segmento do turismo familiar. ?A estas alturas ninguén dubida xa do potencial enoturístico galego?, explicou o presidente do Clúster Turismo de Galicia, Francisco González, ?pero en conversación coas Rutas dos Viños de Galicia fomos conscientes da importancia de crear unha marca forte e única que aglutine todo este patrimonio e facilite o labor da súa comercialización?. González destacou, ademais, a importancia do enoturismo como elemento vertebrador dunha oferta turística diferenciada e de calidade, traballando man a man para fomentar a súa comercialización a través de paquetes enoturísticos. Así nace a marca Enoturismo Galicia no que se agrupan os recursos das Rutas do Viño do Ribeiro, Ribeira Sacra, Rías Baixas, Monterrei e Valdeorras, tras a súa adhesión ao Clúster Turismo de Galicia. O presidente da Ruta do Veu Rías Baixas, Juan Gil, en nome de todas as Rutas, animou aos presentes a coñecer este patrimonio: ?veñan coñecer a nosa forma de elaborar os nosos extraordinarios viños singulares, veñan ver os nosos viñedos, tan distintos de todo o coñecido, desde os máis belos emparrados xunto ao mar das Rías Baixas até os heroicos socalcos da Ribeira Sacra, desde as ladeiras pizarrosas de Valdeorras até as terras altas de Monterrei, pasando polas fermosas veigas e os minifundios graníticos do Ribeiro?, ao tempo en que facía fincapé en que Galicia conta cunha materia prima impresionante para estar entre os primeiros destinos nacionais para gozar da natureza e o enoturismo. Galicia, polo de atracción para o turismo familiar Xunto co Enoturismo, o segundo proxecto presentado polo Clúster de Turismo foi o da creación do selo Galicia, Destino Familiar, unha iniciativa está a dar os seus primeiros pasos para implantarse este ano e na que están implicadas o Consorcio de Empresarios de Turismo de Sanxenxo (CETS), Federación Provincial de Empresarios de Hostalaría de Pontevedra (FEPROHOS), Centro Español de Novas Profesións (CENP), Viaxes Fisterra (Interrías), Asociación Provincial de Axencias de Viaxe de Pontevedra (AVIPO) e Hotel Baía de Vigo. Francisco González destacou o gran potencial do noso territorio como polo de atracción do turismo familiar. ?Galicia é o segundo destino nacional preferido polas familias españolas para pasar o verán, segundo os datos solicitados pola Federación Española de Familas Numerosas?, destacou o presidente do CTG, que fixo fincapé na necesidade de ordenar e pór en marcha un sistema de acreditación que permita a este segmento identificar os servizos turísticos e establecementos galegos especializados que dispoñan de instalacións e actividades pensados e adaptados para as familias. O primeiro paso deuse en 2016 coa posta en marcha da web, aprobación de requisitos e apertura das solicitudes para adherirse a este programa e que poden solicitar a súa inscrición a través da web http://galiciadestinofamiliar.gal/. Tras un proceso de avaliación e comprobación de que cumpre os requisitos para formar parte do programa, incorporarase cada establecemento/servizo á web e app de Galicia Destino Familiar. Desta forma irase xerando unha rede de ofertas ao redor de Galicia como destino turísticos ideal para o goce das familias, fomentando así a especialización da oferta turística, a cooperación entre diferentes empresas e entidades deste segmento. A posta en marcha deste proxecto busca, ademais, apoiarse na xeración dunha oferta específica para as familias na que o selo de Galicia Destino Familiar sexa un aval tanto para os clientes como para o sector, contribuíndo a fidelizar ao público obxectivo deste proxecto.

Clúster Turismo de Galicia presentou ambos os proxectos na caseta de Galicia en Fitur As dúas marcas, postas en marcha o ano pasado, continuarán o seu […]