Actividades Destacadas

Máis de medio centenar de profesionais do sector turístico galego daranse cita con turoperadores de Porto no terceiro e último workshop impulsado polo Clúster este ano.

Vila Nova de Gaia acollerá mañá, 20 de novembro, a celebración do III Workshop de Destino Proximidade do Clúster Turismo de Galicia no que se espera que se darán cita máis dun centenar de profesionais do sector turístico galego e portugués. Trátase da terceira ocasión neste ano en que se pon en marcha esta iniciativa de comercialización a través da que se facilita encontros B2B para achegar o Destino Galicia ao sector turístico de Porto e a súa área de influencia. O workshop celebrarase na tarde de mañá, 20 de novembro, cando os responsables das diferentes empresas galegas desprácense até Porto para manter os encontros individuais coa turoperación da cidade.

Desde o Clúster Turismo de Galicia o seu presidente, Cesáreo Pardal, destacou a excelente acollida deste novo workshop, co que se completa por este ano a presenza da oferta turísica galega en destinos próximos a Galicia, para os que o noso territorio pode ser unha opción ideal para gozar dunha ponte ou un fin de semana, xa que se atopan a menos de tres horas de distancia. “As prazas para este workshop cubríronse en moi poucos días”, explicou Pardal, que destacou que é a primeira ocasión na que o Cluster realiza esta iniciativa con este formato no país veciño.

Anteriormente o Clúster Turismo de Galicia levara a cabo acciones similares en Salamanca, Oviedo e Valladolid, tamén con moi boa acollida e unha noite no Porto, fai tres anos, co obxectivo de estreitar relacións co sector turístico portugués, pero sen trasladar o formato workshop.

Estreitar lazos e dar a coñecer a oferta turística galega
Neste sendido, Cesáreo Pardal destacou a importancia de achegar a diversidade da oferta turística galega ao territorio portgués, que segue sendo o primeiro mercado internacional para Galicia. Cabe destacar, ademais, que no último ano incrementouse notablemente o número de portugueses que elixen Galicia como destino turístico non só para un día, se non que quedan a pasar a noite, xa que entre xaneiro e agosto os establecementos hostaleiros de Galicia aloxaron a uns 145.000 viaxeiros lusos que realizaron máis de 247.000 pernoctaciones.

Con este workshop na cidade portuguesa de moda, o Clúster Turismo de Galicia pon fin aos seus workshops de destinos de proximidade por este ano, dentro dunha iniciativa que ten como obxectivo achegar a oferta turística galega a destinos que reúnen as condicións perfectas para ser emisores de turismo nacional cara ao territorio galego.

19 de Novembro de 2018
cabecera invitacion

O Clúster Turismo de Galicia pecha os seus Workshop de Destino De Proximidade cunha xornada de traballo en Porto

Máis de medio centenar de profesionais do sector turístico galego daranse cita con turoperadores de Porto no terceiro e último workshop impulsado polo Clúster este ano. […]
16 de Novembro de 2018
presentación sportur

Galicia Destino Activo fai balance do seu programa de accións en Sportur

A marca de referencia de Turismo Activo de Galicia estivo presente no Salón do Deporte e Turismo Activo que se celebrou en Ourense Con motivo da […]
15 de Novembro de 2018
apertura oficial Sportur 2018

Expourense acolle a segunda edición do Salón de Deporte e Turismo Activo Sportur, que espera albergar a máis de 10 mil visitantes

A programación desenvólvese do 15 ao 17 de novembro no recinto feiral ourensán e inclúe a programación de máis dun centenar de actividades entre as que […]
14 de Novembro de 2018
foto grupo con niños

Galicia Destino Familiar incrementa en máis dun 40% o número de empresas acreditadas dentro do programa

A terceira edición da iniciativa, impulsado polo Clúster Turismo de Galicia, conclúe coa acreditación de 39 empresas fronte ás 27 do ano pasado. Un total de […]