Ata o mes de outubro os portos galegos captaran máis de 300 mil cruceristas, un 10% máis que en 2016

Á espera do peche de 2017, os fitos marcados ata a data permiten pensar que este vai ser un ano moi bo para o turismo de cruceiros en España. Se no conxunto de España o ritmo de crecemento deste tipo de turismo está a ser moi positivo, con case 8,7 millóns de cruceristas en 2016, todo fai pensar que esta cifra se superará con fartura a finais deste ano. E en Galicia o ritmo de crecemento é aínda maior que a media nacional. En concreto, ata octubrelos portos galegos captaran 318.326 turistas, un 10 % máis que no mesmo período do ano anterior, mentres que o crecemento xeral sitúase no 2,58 %.

Entre as razóns deste crecemento xeneralizado sitúase probablemente a democratización deste tipo de turismo. No caso galego, este incremento traduciuse na chegada do primeiro cruceiro a Marín, por exemplo. Pero é Coruña o porto que captou o 51% dos cruceristas que pisaron chan galego: 161.612 persoas que se baixaron de 109 barcos mentres que en Vigo, o segundo porto en 2017, baixáronse ata outubro 135.294 pasaxeiros -un 17 % menos que no mesmo período do 2016. Unha cifra que se sitúa no punto máis baixo da súa captación de cruceristas, que en 2011 marcaba teito coa chegada de 253.637 á estación marítima viguesa.

Entre as causas deste descenso, o presidente do Porto de Vigo, Enrique Veiga, establece o prezo dos combustibles que hai dous anos, cando se planifica as viaxes, estaba disparado, o que aconsellaba ás navieras a acurtar as viaxes e recalar en portos máis próximos (A Coruña e Ferrol, por tanto).

De feito Ferrol é outro porto que viu caer o número de cruceiros, que non de cruceristas, aínda que se cumpriron os obxectivos que se marcaron a autoridade portuaria. Tamén Vilagarcía sae ben parada este ano. A estas alturas xa recibiu o dobre de cruceiros que o ano pasado e multiplicou tamén por dous o número de turistas que desembarcaron no seu porto.En canto ao negocio, se se atende aos cálculos da industria, que cifran en 70 euros o gasto por crucerista -o dobre se se trata dun porto de inicio de ruta-, a comunidade ingresaría máis de 22 millóns de euros. Con todo, Galicia non alcanzará en 2017 a súa marca de cruceristas, situado en 2012, cando se superaron os 400.000 turistas de cruceiro.

Con todo, todos os portos están convencidos da importancia deste tipo de cruceiros polo que están a traballar na captación de novas escalas para os próximos anos a través da súa participación en feiras especializadas como a Seatrade Cruise de Miami e na Seatrade de Hamburgo.

12 de Decembro de 2017
puerto de Vigo

A industria dos cruceiros crece en Galicia a un ritmo maior que a media nacional

Ata o mes de outubro os portos galegos captaran máis de 300 mil cruceristas, un 10% máis que en 2016 Á espera do peche de 2017, […]
11 de Decembro de 2017
turismo rural casa videira

Unha boa ponte de decembro para encarar a recta final dun ano histórico para o turismo en Galicia

A coincidencia no calendario dos dous festivos na semana fixo que esta ponte de decembro fose especialmente bo para ás escapadas a Galicia, propiciadas polo calendario […]
04 de Decembro de 2017
imagotipo_turismo_galicia1

Prego de condicións que rexerán a contratación dun servicio de “Asistencia Técnica para a organización dunha misión comercial á Feira Internacional ITB Berlin 2018” coa colaboración da Xunta de Galicia – Axencia Turismo de Galicia

Aberto prazo ata o martes, 19 de dicembro 2017 Descarga o prego de condicións
01 de Decembro de 2017
foto grupo

O selo Galicia Destino Familiar entrega os seus 27 primeiras acreditacións ás empresas especializadas neste segmento de mercado

A iniciativa, impulsada polo Clúster Turismo de Galicia, permite agrupar e pór en valor a oferta turística dirixida ás familias coa que xa conta Galicia O […]