O modelo de xestión do Camiño de Santiago na Comunidade centrará varios dos relatorios da cita bianual da rede mundial de vías e carreiros World Trail Network que se celebrará en Compostela do 26 ao 29 de setembro

Ademais de coñecer experiencias doutras rutas mundiais, profundarase na contribución cultural e económica destes itinerarios. A inscrición xa está aberta.

Representantes das máis importantes rutas culturais, ecolóxicas e de peregrinación de todo o mundo participarán o próximo mes de setembro en Santiago de Compostela na 7ª edición da World Trails Conference. Trátase do congreso internacional organizado cada dous anos pola rede mundial de camiños e sendeiros World Trails Network, que por vez primeira celébrase en Europa e que profundará na contribución cultural e económica que estes itinerarios conseguen nos distintos destinos turísticos, áreas protexidas e espazos rurais que atravesan.

Este encontro fomentará, ademais, as sinerxías entre os distintos itinerarios do mundo e que se converterá “nunha gran oportunidade para avanzar e compartir impresións sobre o desenvolvemento e preservación do Camiño de Santiago, que se sitúa cada vez máis como referente internacional no seu modelo de xestión”, segundo indicaron desde Turismo de Galicia. De feito o posicionamento alcanzando pola Ruta Xacobea centrará varias dos relatorios do encontro, que se celebrará entre os días 26 e 29 de setembro e cuxa inscrición xa está aberta.

Itinerarios mundiais de Sudáfrica a Xapón

Ademais do Camiño de Santiago, cóntase xa coa presenza confirmada de representantes de itinerarios de máis de 28 países do cinco continentes entres os que se contan os camiños Kumano Kodo -Patrimonio Mundial e hermanado on o Camiño de Santiago desde hai 20 anos- e tamén o Camiño Shikoku Henro, co que tamén Galicia mantén férreas alianzas de colaboración. Haberá, ademais, representantes dos Camiños de Jeju Mire, en Corea do Sur, e do Great Himalaya Trails, o trazado máis ancho e alto do mundo e que está situado no Nepal.

Tamén se contará coa participación das rutas culturais de longa distancia que están presentes en Taiwan, así como con xestores de itinerarios e carreiros de Grecia ou Irlanda e de Sudáfrica, con representantes do Rim of Africa Trail, o carreiro de montaña máis longo do país. Xunto a eles, haberá unha representación de Sudamérica, con rutas de Costa Rica ou Panamá. Tamén estarán congresistas de Canadá para falar do Bruce Trail, o trazado sinalizado máis antigo e longo de Canadá que permite coñecer a Fervenza do Niágara, Reserva Mundial da Biosfera da Unesco e que presentará a súa experiencia para desenvolver unha actividade sustentable nese territorio.

Tres “Viaxes no Camiño”
O congreso incluirá diversos relatorios e mesas redondas para profundar, entre outras cuestións, na vinculación dos itinerarios e a protección da natureza, nos beneficios económicos das rutas para as economías rurais, na preservación do patrimonio cultural e valóresnos espirituais das rutas xacobeas, así como na importancia do crecemento sustentable en cada unha destas rutas culturais, ecolóxicas e de peregrinación do mundo.

O congreso estará precedido por tres percorridos polas últimas etapas de tres itinerarios xacobeos en Galicia. Trátase de Viaxes no Camiño, nas que os delegados poderán unirse a unha peregrinación de nove días no Camiño Francés, de cinco días no Camiño Inglés e de 10 días no Camiño Portugués. O tres peregrinacións chegarán a Santiago de Compostela como prólogo da inauguración.

A World Trails Conference é unha actividade aberta ao público en xeral. O prazo de inscrición está aberto na páxina web especialmente habilitada.

06 de Xullo de 2018
world-trails-conference-2018-logo

Un congreso internacional reunirá en Galicia ás mellores rutas culturais, ecolóxicas e de peregrinación do cinco continentes

O modelo de xestión do Camiño de Santiago na Comunidade centrará varios dos relatorios da cita bianual da rede mundial de vías e carreiros World Trail […]
04 de Xullo de 2018
itinerarios paisajísticos

A paisaxe galega xa está máis accesible a través da Rede de Itinerarios de Interese Paisaxístico da Xunta de Galicia

A Consellería de Medio Ambiente e Ordenación do Territorio impulsa a Rede de Itinerarios de Interese Paisaxístico, que comprende case 4.500 quilómetros de percorridos organizados en […]
03 de Xullo de 2018
OCUPACION MAYO

O turismo rural volve liderar o crecemento de viaxeiros en Galicia cun 11% máis de aloxados no mes de maio

Os establecementos extrahoteleros creceron un 7,6% en número de viaxeiros, tres puntos máis que os hoteis O mes de maio tamén arroxou datos positivos para o […]
28 de Xuño de 2018
Camino de Santiago 02

A Xunta financiará un produto audiovisual para impulsar os valores dos camiños de Santiago

Convocarase un concurso de ideas para cinco proxectos, dos cales se seleccionará un A Xunta de Galicia subvencionará o desenvolvemento dun proxecto audiovisual en formato longametraxe […]