Enmarcado no convenio de colaboración asinado entre o CTG e a Axencia Turismo de Galicia para a promoción e comercialización de Galicia como destino turístico.
O obxectivo fundamental do proxecto é a articulación dun proceso de mellora da imaxe dos establecementos e das súas competencias lingüísticas para poder atender a novos visitantes estranxeiros.

O programa Galicia Friendly volve porse en marcha, grazas ao impulso do Clúster de Turismo de Galicia en colaboración coa Axencia de Turismo de Galicia. Este ano decidiuse apostar por levar a cabo un apoio totalmente personalizado aos locais turísticos da comunidade, a través da realización dunha análise exhaustiva dos seus establecementos, valorando as competencias lingüísticas dos seus traballadores e soportes de comunicación, tanto on-line como off-line, para atender as necesidades dos turistas estranxeiros.

Así pois, o equipo de técnicos de Galicia Friendly elaborará informes pertinentes adaptados ás necesidades de cada empresa, nos cales orientarán as súas accións para potenciar a mellora na atención ao cliente estranxeiro. A isto súmase a axuda ofrecida aos locais participantes na tradución ao inglés dos seus soportes de comunicación físicos, páxina web e perfil en redes sociais.
Desta forma, os establecementos que cumpran cos requisitos estipulados, obterán -ou renovarán, en caso daqueles que xa participaron o pasado ano- o selo “Galicia Friendly”, que acredita as súas capacidades lingüísticas na atención en inglés aos seus clientes.

Ademais, os locais catalogados baixo o selo “Galicia Friendly” serán de novo incluídos nunha nova edición da guía de locais do proxecto, xunto cos seus datos de contacto e dirección; isto permitirá que os turistas que cheguen á comunidade saiban onde poderán ser atendidos en lingua inglesa. O programa alargarase durante o próximo mes, prevéndose o seu acto de clausura para mediados do mes de outubro cunha cerimonia de entrega de placas distintivas do selo ás empresas participantes.

13 de Setembro de 2018
grupo Galicia Friendly Vigo

Arrinca a 2ª edición do programa Galicia Friendly para mellorar as competencias lingüísticas dos hostaleiros galegos

Enmarcado no convenio de colaboración asinado entre o CTG e a Axencia Turismo de Galicia para a promoción e comercialización de Galicia como destino turístico. O […]
12 de Setembro de 2018
Presentación Londres Golf&Wellness

Londres acolle unha presentación da iniciativa Celtic Spain Golf&Wellness

Representantes das empresas galegas impulsoras deste proxecto, que ten por obxectivo a captación do golfista británico cara ao destino galego, mantiveron un encontro de traballo en […]
10 de Setembro de 2018
rodaje galicia destino activo

En marcha a elaboración de materiais de promoción para 11 novos produtos de turismo activo galegos

Máis de 40 entidades traballan estes meses no desenvolvemento de sorportes e materiais de promoción dos novos produtos turísticos vinculados co turismo activo Os 11 produtos […]
10 de Setembro de 2018
Firma-convenio-268x201

Turismo de Galicia reforza a súa colaboración con AGAN para o impulso de dous novos proxectos costeiros

O obxectivo é continuar avanzando no posicionamento de Galicia como destino de turismo náutico de referencia internacional. Turismo de Galicia, Portos de Galicia, AGADER e a […]