Trala súa recente constitución e posta en marcha, a Rede Estatatal de Destinos Turísticos Intelixentes conta xa cos seus órganos de dirección: a comisión plenaria e a comisión executiva. No caso desta última quedou formada con participación galega xa que, ademais da presidencia, a cargo da secretaría de Estado de Turismo, e 3 vicepresidencias,Segittur, FEMP e Rede.é, a comisión executiva da Rede quedou constituída por nove vocalías correspondentes a nove destinos entre os que se conta un galego, Pontevedra, xunto con Benidorm, Calvià, Donostia, Arona, Palencia, Avilés, Santander e San Bartolomé de Tirajana.

Á Rede DTI, da que forman parte preto de 70 destinos, sumáronse varios membros institucionais: FEMP, Rede.é, a Asociación Española de Normalización, UNE; a Confederación Española de Hoteis (CEHAT), o Instituto para a Calidade Turística Española (ICTE); e as asociacións AMETIC e CONECTIC. a Deputación de Pontevedra é a única entidade galega que forma parte do comité executivo da Rede DTI, que comezou oficialmente a súa andaina tras a constitución do comité e a firma dos protocolos de participación, apoio e promoción da rede, así como a constitución das comisións, integrada por 60 destinos de toda España entre os que se atopan tamén a Deputación de Ourense e a Mancomunidade de Salnés-Sanxenxo.

Entre os seus obxectivos a Comisión ten fixados a coordinación dos destinos turísticos intelixentes con Segittur e Rede.é, así como o lanzamento de servizos de información e asesoramento a destinos turísticos intelixentes sobre axudas e fondos europeos. Entre as súas liñas de acción para o actual curso, a Comisión celebrará o segundo encontro do grupo de traballo de xestores DTI e lanzaranse as ferramentas de soporte para a rede, concretamente o portal de destinos turísticos intelixentes, CRM e unha ferramenta de autodiagnóstico. Ademais, a Comisión Executiva da Rede DTI vai iniciar os plans de acción de novos destinos turísticos intelixentes, colaborar co III Congreso Mundial de Destinos Turísticos Intelixentes e presentar un programa de traballo da Rede.

A Rede DTI vai ser a encargada de definir o modelo de turismo do futuro, promovendo un novo marco de referencia baseado na innovación, coñecemento e tecnoloxía para construír espazos turísticos innovadores, sobre unha infraestrutura de vangarda que garanta o desenvolvemento sustentable do territorio, a accesibilidade, a interacción e a integración da persoa visitante coa contorna, así como a mellora da calidade de vida das persoas que residen nos destinos.

12 de Marzo de 2019
constitucion-red-dti

Presenza galega no Comité Executivo da Rede Estatal de Destinos Turísticos Intelixentes

Trala súa recente constitución e posta en marcha, a Rede Estatatal de Destinos Turísticos Intelixentes conta xa cos seus órganos de dirección: a comisión plenaria e […]
11 de Marzo de 2019
Forum gastronómico Coruña 2019

A Coruña, epicentro da gastronomía coa celebración do Fórum Gastronómico

O Fórum Gastronómico A Coruña pechou a súa terceira edición superando a cifra de visitantes con máis de 24.000 persoas que ao longo do tres xornadas […]
07 de Marzo de 2019
montañas ancares

Os Ancares-Courel reciben o distintivo Observer de Turismo Científico

En Galicia, só o Parque das Illas Atlánticas posuía este distintivo até agora. O espazo Os Ancares e O Courel xa son Espazo Observer Turismo Científico, […]
06 de Marzo de 2019
foto grupo itb berlin 2019

Unha vintena de empresas e entidades turísticas galegas participan nunha nova misión comercial na ITB Berlin

A delegación organizada polo Clúster Turismo de Galicia da man da Consellería de Cultura e Turismo e Turespaña participaron anunha das feiras turísticas internacionais máis importante […]