Co obxectivo de achegar diferentes experiencia, características da demanda e evolución do segmento de turismo familiar, o Departamento de Turismo, Comercio e Consumo do Goberno Vasco xunto coa Axencia Vasca de Turismo (Basquetour) e a oficina de desenvolvemento do Turismo Familiar celebraron a I Xornadas sobre turismo familiar, un encontro que reuniu en Zarautz os días 12 e 13 de xuño a numerosas entidades especialistas no sector, entre as que se atopa o Clúster de Turismo de Galicia e o selo Galicia Destino Familiar.

A representación galega estivo centrada en achegar a experiencia profesional a máis dun centenar de expertos do sector, incidindo na creación e desenvolvemento do selo Galicia Destino Familiar até a actualidade e destacando que é o único selo en Galicia neste ámbito que acredita a 40 empresas de aloxamento, restauración, oferta complementaria e axencias de viaxes, estendidas por diferentes puntos da xeografía galega, pensadas para familias.

Ademais da explicación en torno ao selo Galicia Destino Familiar, a mesa na que participou o CTG contou coa presenza de Javier Castelo, conselleiro delegado de Expertus Turismo e Lecer, quen destacou que Galicia se atopa no top 5 de destinos vacacionais para familias en época estival, e Leire González, responsable de Destinos TripAdvisor, que sinalou que o 18% de familias elixe España á hora de viaxar, converténdose no primeiro país a nivel internacional en turismo familiar. O segmento familiar elixe España pola súa seguridade e tranquilidade en cuestións médicas, imprescindible cando se viaxa con nenos, tal e como di Pau García, xornalista, blogger de viaxes e autor de ?elPachinko.com?, desde a súa experiencia.

Na xornada tamén se deron cita expertos vinculados ao sector da comercialización, cuxo papel é imprescindible á hora de facer máis atractiva a oferta turística, como María Cos, de Imos Eltern-Kind-Reisen GmbH, operadora de turismo alemá que destaca ese atractivo turístico que buscan as familias á hora de viaxar como é o auténtico, o bo clima e as actividades ao aire libre sen necesidade de desprazarse, do mesmo xeito que Andy McCulloch, operador de turismo británico, en cuxa relatorio puxo en valor o atractivo turístico que ten o norte de España e que o diferencia do resto do país.
A suma de crear un destino turístico ?Family friendly? coa comercialización, boas prácticas e asunción de novos retos dan como resultado que as familias sentan como en casa á hora de viaxar, e así é como o levan á práctica desde o NH Aranzazu, cuxa Guest Relations, Alaitz Mendoza, comparte a importancia de coidar cada detalle, de dar ás familias unha acolledora benvida adaptada ao gusto dos máis pequenos da casa, de dirixirse a eles polo seu nome, algo moi simple pero moi complicado en ocasións e que achega ao turista converténdolle nun potencial prescriptor.

A participación nestas xornadas de turismo familiar no País Vasco referenda a decidido aposta do Clúster de Turismo de Galicia por un segmento en crecemento, pondo en valor os recursos e iniciativas empresariais que outorgan ás familias un lugar prioritario nas súas estratexias. Por cuarto ano consecutivo, Galicia Destino Familiar continuará sendo o selo de referencia en Galicia en materia de turismo familiar.

13 de Xuño de 2019
Jornadas Turismo Familiar en Euskadi

O Goberno Vasco convida o Clúster de Turismo de Galicia e ao selo Galicia Destino Familiar á I Xornada de turismo familiar en Euskadi

Co obxectivo de achegar diferentes experiencia, características da demanda e evolución do segmento de turismo familiar, o Departamento de Turismo, Comercio e Consumo do Goberno Vasco […]
13 de Xuño de 2019
curso de verano+

Noia acolle un curso da Universidade da Coruña sobre os retos turísticos de futuro para o sector turístico galego

Sustentabilidade, dixitalización e calidade son os retos máis importantes que ten por diante o turismo en Galicia, que ano a ano, crece e consolídase como destino […]
12 de Xuño de 2019
reunion_AsociacionsNorte 1

Asociacións turísticas de Asturias, Cantabria, País Vasco e Galicia conforman unha alianza para gañar peso na comercialización turística

Baixo o nome “A Forza do Norte”, diferentes entidades asociativas do norte peninsular han decidido aliarse para gañar forza e presenza ante as institucións e comercializar […]
11 de Xuño de 2019
big data

Hostalaría, turismo e servizos financeiros, os sectores mellor preparados para sacarlle partido ao big data

Unha investigación académica da escola de negocios Wharton da Universidade de Pensilvania e Qlik, que mide a capacidade das empresas para analizar, xestionar e interpretar datos, […]