Impulsar un modelo de gobernanza con liderado, transparente e participativo, o deseño dun plan estratéxico que debe estar perfectamente aliñado co Plan de Turismo, fomentar os mecanismos de participación e apoiar a creación de alianzas e espazos de traballo son as principais recomendacións que recolle a guía publicada pola Organización Mundial do Turismo e o Basque Culinary Center (BCC) para impulsar o turismo gastronómico. O obxectivo é que sirva como ferramenta práctica para apoiar aos destinos que queiran potencialo a través dunha serie de recomendacións.

A iniciativa pretende empoderar aos destinos turísticos, facilitándolles os coñecementos necesarios e indicándolles os procesos adecuados para a preparación e aplicación dun plan de turismo gastronómico aínda que se trata dunha serie de recomendacións que cada destino deberá adoptar en función do desenvolvemento que deste tipo de turismo realizasen. O interese da OMT no desenvolvemento desta tipoloxía de turismo radica na constación de que a relación entre gastronomía e turismo evolucionou cara a novos modelos, dando lugar a un novo segmento turístico, o turismo gastronómico. A adopción dun plan desa índole permitirá a cidades e rexións aproveitar os numerosos beneficios vinculados ao turismo gastronómico, ademais de contribuír á creación e mellora do emprego, o plan tamén servirá de catalizador en aras da innovación e o emprendimiento. Un plan no que será necesario coñecer o contorno, as tendencias, a competencia, ao turista gastronómico, entre outros factores, para determinar o desenvolvemento dunha estratexia e dun posicionamento do destino gastronómico.

O documento, presentado no marco do Foro Mundial do Turismo Gastronómico da OMT expón a necesidade de potenciar a identidade culinaria, os produtos locais e a gastronomía propia do destino a través do desenvolvemento de programas de fomento de chefs como intérpretes do territorio ou potenciar o orgullo gastronómico de forma que a poboación viva e participe.

O documento tamén expón a creación de experiencias asociadas a el, de forma que exista unha oferta innovadora e singular para o turista gastronómico. O primeiro paso para logralo é identificar os produtos da gastronomía local que teñan maior potencial e desenvolver o aspecto máis “cultural”, algo que pode conseguirse a través de visitas guiadas. O documento tamén sinala que é importante definir unha estratexia de marca e un plan de promoción e apoio á comercialización do novo destino.

Outra das recomendacións pasa pola aplicación das tecnoloxías, que tamén xogan un papel importante no desenvolvemento do turismo gastronómico. Neste ámbito é importante facilitar ás empresas o acceso ao cliente e potenciar os recursos turísticos a través da posta en marcha de aplicacións móbiles e a publicación en redes sociais. Para iso é necesario fomentar o uso de tecnoloxía aplicada á mercadotecnia turística, a personalización e o desenvolvemento de contidos audiovisuais de calidade.

Descarga a guía aquí

22 de Maio de 2019
Guía turismo gastronómico

A OMT lanza unha guía coas claves para impulsar o turismo gastronómico

Impulsar un modelo de gobernanza con liderado, transparente e participativo, o deseño dun plan estratéxico que debe estar perfectamente aliñado co Plan de Turismo, fomentar os […]
21 de Maio de 2019
firma convenio sabadell

Banco Sabadell pon a disposición dos asociados do Clúster Turismo de Galicia unha liña de financiamento para investimentos no sector por importe de 200 millóns de euros

No marco da xornada formativa sobre financiamento turístico celebrada na Cidade da Cultura, as entidades organizadoras, CTG e Sabadell asinaron unha ampliación de convenio de colaboración […]
21 de Maio de 2019
jornadas financiacion 3

Profesionais do sector turístico profundan en ferramentas e axudas financeiras para mellorar as súa competividade

A Cidade da Cultura acolleu a xornada de formación a profesionais de sector turística orientada a coñecer en maior profundidade as ferramentas financeiras de que dispoñen […]
20 de Maio de 2019
Trenes turísticos Galicia

Os trens turísticos de Galicia estrean tempada con nova ruta dedicada aos Camiños de Santiago

A programación da sétima edición dos Trens Turísiticos de Galicia, impulsada por Turismo de Galicia e Renfe e arrinca o próximo 1 de xuño chega coa […]