O turoperador especializado Travelguau designou ao Grove como o municipio máis pet-friendly do noso país en 2019, o que supón que o municipio galego sexa considerado como o mellor destino para viaxar con can.

Nos mesmos Premios Travelguau tamén se elixiu como mellor mellor libro pet-friendly o libro autopublicado “Bo Camiño Perregrino”, a primeira guía para planificar con éxito o Camiño de Santiago se estás a pensar facelo co teu can, escrita por Mercè Jiménez despois de completar o Camiño Francés desde Roncesvalles con Futt, o seu compañeiro de catro patas. O palmarés complétao Sos Torrencito como mellor establecemento pet-friendly; Bankia como mellor empresa pet-friendly; Daniel Sánchez Arévalo polo seu compromiso coas mascotas; Simbiosis+ como mellor iniciativa pola tenencia responsable e SOS PPP-Los Barrios como mellor ONG.

Estes premios son o resultado dunha votación popular polos usuarios do portal online tras o que un xurado foi o encargado de coroar ao municipio de Pontevedra como o mellor destino por ser “unha península situada nas Rías Baixas, na comarca do Salnés, que foi pioneira na creación de praias caninas e que actualmente conta con dúas, como son O Espiño e O Portiño, que cada ano reciben máis e máis visitantes, converténdose nun referente a nivel nacional para este tipo de público”.

O obxectivo de realizar este tipo de ranking, tras o que a localidade recibirá un premio físico nos próximos días na feira de Fitur, é “recoñecer o labor de empresas, entes públicos e particulares que loitan por facer o noso mundo un pouco máis amigable coas nosas mascotas, ademais de incentivar a relación con elas desde o respecto e a convivencia coa contorna, propiciando novos espazos de desenvolvemento que satisfagan as necesidades das persoas con acompañantes animais desde un punto de vista sustentable”, explican desde Travelguau.

17 de Xaneiro de 2020
merce-futt-principal

O Grove foi seleccionado como mellor destino pet-friendly do noso país

O turoperador especializado Travelguau designou ao Grove como o municipio máis pet-friendly do noso país en 2019, o que supón que o municipio galego sexa considerado […]
16 de Xaneiro de 2020
informe exceltur

Exceltur anticipa un crecemento para este ano similar ao de 2019 aínda que se mostra cauteloso ante o arrefriado progresivo do crecemento do sector

Un 80% dos empresarios galegos esperan mellorar resultados este ano, beneficiados pola próxima celebración do Xacobeo en 2021, aínda que con menor intensidade, segundo esta enquisa […]
16 de Xaneiro de 2020
fest galicia festivales música PorAmerica

Aberta convocatoria de adhesión á nova tempada de FEST Galicia, que incrementa nun 31% a dotación para patrocinio de festivais

Cultura e Turismo aumenta até os 460.000 euros a cantidade destinada aos contratos cos eventos asociados á marca Até o próximo 2 de febreiro está aberto […]
15 de Xaneiro de 2020
Facendo o Camiño

O Camiño Portugués pola Costa a exame a través do proxecto Facendo Camiño de Proturga

Facendo Camiño, proxecto para sensibilizar, pór en valor e analizar o Camiño de Santiago analiza un tramo deste itinerario, no marco do programa “O teu Xacobeo”, […]