A Deputación da Coruña fixo público o programa de subvencións dirixidas a entes de xestión, asociacións, mancomunidades e consorcios turísticos para a mellora da calidade e a competitividade, así como a realización de actividades turísticas durante o ano 2017 na que se concede un total de 560.000 euros destinados a oito entidades de toda a provincia para o impulso do turismo de calidade e a profesionalización e modernización do sector turístico.
Ferrolterra é o consegue máis fondos, 180.000 euros que se reparten entre a Mancomunidade de Concellos da Comarca de Ferrol, que recibe 100.000 euros para elaborar un plan de promoción das Rías Altas a través de diversos eventos e a creación de bonos de experiencias, e a Sociedade Mixta de Turismo de Ferrol, á que se lle concederon 80.000 euros para potenciar rutas como a das Meninas de Canido ou o Camiño Inglés e mellorar a xestión técnica da entidade.

Na comarca de Barbanza foron tres os entes turísticos que solicitaron as axudas da Deputación: a Asociación Rural de Desenvolvemento da Ría de Muros-Noia recibiu 40.000 euros para realizar cursos para profesionais do turismo e desenvolver o programa “Experiencia Ría de Muros-Noia”, que inclúe actividades gastronómicas, culturais e deportivas. A Asociación Socio-Cultural Auga e Sal utilizará os 20.000 euros achegados pola Deputación para adquirir material de promoción e realizar visitas guiadas na contorna de Muros. Por último, a Mancomunidade da ría de Arousa-Zona Norte, que conta cunha achega provincial de 60.000 euros, financiará a participación en feiras internacionais como ITB Berlín, WTM Londres ou o Salón Náutico de París, así como a organización de eventos turísticos na zona e a mellora da xestión técnica.

Doutra banda, Información e Comunicación Local (INCOLSA) tamén contará cunha achega provincial de 120.000 euros para levar a cabo acciones como o evento Santiago (e)tapas, desenvolver unha aplicación turística e realizar novas actividades ao redor da música e as tradicións populares no xeodestino das Terras de Santiago.

Unha achega da mesma contía económica tamén foi concedida ao Consorcio de Turismo e Congresos da Coruña, para a realización de actividades na zona das Mariñas, como os econtros gastronómicos Picado e Bocadillo Gourmet ou o I Xornada de Turismo Urbán.

No caso de Costa da Morte, a Deputación contribuirá, cunha achega de 20.000 euros, ao desenvolvemento do programa “O Encaixe no Camiño”, do que se encarga a asociación de Empresarios e de Promoción Turística de Camariñas. Este programa inclúe unha exposición no Faro Vilán, unha ruta deste Camariñas ata Santiago de Compostela e unha celebración do día de Camariñas o 25 de xullo, consistente nunha recreación da lenda sobre a orixe do Encaixe.

25 de Agosto de 2017
Ponte-no-Rio-Eume-Viveza

560.000 euros para promocionar o seis xeodestinos da provincia da Coruña

A Deputación da Coruña fixo público o programa de subvencións dirixidas a entes de xestión, asociacións, mancomunidades e consorcios turísticos para a mellora da calidade e […]
24 de Agosto de 2017
Cierre Baiona Ruta Presume de Galicia 2017

Presume de Galicia conclúe a súa ruta en Baiona cun balance moi positivo

A iniciativa permitiu incrementar a visibilidade da comunidade de Presume de Galicia e o número de presumidores e fotografías compartidas Ruta Presume de Galicia percorreu un […]
23 de Agosto de 2017
CaminandoEntreVinhedos03

Máis de cincuenta persoas participaron nunha nova xornada de Camiñando entre viñedos

Máis de medio centenar de persoas participaron onte na xornada Camiñando entre viñedos organizada pola Ruta do Viño Rías Baixas, unha xornada de sendeirismo de dificultade […]
22 de Agosto de 2017
vuelta ciclista 2017

E para comer Lugo leva por sexto ano consecutivo a promoción gastronómica da provincia de Lugo á Volta Ciclista a España

Por sexto ano consecutivo a Asociación Provincial de Empresarios de Hostalaría e Turismo de Lugo (APHEL) volve levar o seu posto de promoción da gastronomía da […]